ପୁଣି ଭାରତର ସ୍ବର୍ଗ କାଶ୍ମୀରକୁ ଫେରିଛି ପର୍ଯ୳ଟନର ବାଟ

ଶାନ୍ତ ହୋଇଯାଇଛି ପରିବେଶ । ଚୁପ୍ ହୋଇଯାଇଛନ୍ତି ବନ୍ଧୁକ ଓ ତୋପ। ଫେବୃଆରୀ ୨୦୨୦ ରେ ଭାରତ ଏବଂ ପାକିସ୍ତାନ ଅସ୍ତ୍ରବିରତି ପାଇଁ ରାଜି ହେବା ପରଠାରୁ କାଶ୍ମୀର ପରିଦର୍ଶନ କରୁଥିବା ପର୍ଯ୍ୟଟକଙ୍କ ପାଇଁ ଲାଇନ୍ ଅଫ୍ କଣ୍ଟ୍ରୋଲ୍ (ଏଲଓସି) ନିକଟରେ ଥିବା ଗ୍ରାମଗୁଡ଼ିକ ଖୋଲିବା ଆରମ୍ଭ ହୋଇଛି। ଏହି ଗ୍ରାମଗୁଡିକ ପ୍ରାୟ ତିନି ଦଶନ୍ଧି ଧରି ବାହାର ଲୋକଙ୍କ ପାଇଁ ସୀମା ବାହାରେ ଥିବାରୁ ଏଲଓସି ସହିତ ସେମାନଙ୍କର ଭର୍ଚୁଆଲ୍ ଦେଖା ସାକ୍ଷାତ ଥିଲା

ମହିଳା ଏବଂ ଶିଶୁଙ୍କ ସମେତ ୪୦ ଜଣିଆ ଗୋଷ୍ଠୀ ପ୍ରଥମେ ଚଳିତ ବର୍ଷ ଜୁଲାଇ ୧୬-୧୭ ରୁ ଉତ୍ତର କାଶ୍ମୀରର କୁପୱାରା ଜିଲ୍ଲାର ସୀମାନ୍ତ ଗାଁ ମାସିଲ ପରିଦର୍ଶନ କରିଥିଲେ। ୨୦୦୨ ଅସ୍ତ୍ରବିରତି ଚୁକ୍ତି ପାଳନ କରିବାକୁ ଭାରତ ଏବଂ ପାକିସ୍ତାନ ରାଜି ହେବାର ଚାରି ମାସ ପୂର୍ବରୁ, ଅକ୍ଟୋବର ୩୧, ୨୦୧୯ ରେ ମାସିଲ ସେକ୍ଟରରେ ଗୁଳି ବିନିମୟରେ ଜଣେ ସାଧାରଣ ନାଗରିକଙ୍କ ମୃତ୍ୟୁ ଘଟିଥିବା ବେଳେ ୮ ଜଣ ଆହତ ହୋଇଥିଲେ।

ଚଳିତ ବର୍ଷ କାଶ୍ମୀରକୁ ପର୍ଯ୍ୟଟକଙ୍କ ସଂଖ୍ୟା ବଢ଼ିବାରେ ଲାଗିଥିବା ଜମ୍ମୁ ଓ କାଶ୍ମୀର ସରକାର ଉପତ୍ୟକାର ୩୫ଟି ନୂତନ ଗନ୍ତବ୍ୟ ସ୍ଥାନ ଚିହ୍ନଟ କରିଛନ୍ତି। ଯାହାକି କୁପୱାରା ଜିଲ୍ଲାର ଟିଟୱାଲ ଏବଂ କିରଣ ବ୍ୟତୀତ ବାନ୍ଦିପୋରାର ଗୁରେଜ ଏବଂ ତୁଲାଇଲ ଗ୍ରାମ ସମେତ ଉପତ୍ୟକାରେ ୩୫ ଟି ନୂତନ ଗନ୍ତବ୍ୟସ୍ଥଳ ଚିହ୍ନଟ କରିଛି। ସମସ୍ତ ଗନ୍ତବ୍ୟସ୍ଥଳ ଏଲଓସି ର ନିକଟତର ରହିଛି ।