ମୁଣ୍ଡାଳୋ (କେନ୍ଦ୍ରାପଡ଼ା): ରାମଚଣ୍ଡୀ ସଂସ୍କୃତ ମହାବିଦ୍ୟାଳୟ, ମୁଣ୍ଡାଳୋ ରେ 13 ଅଗଷ୍ଟରୁ 19 ଅଗଷ୍ଟ 2025 ପର୍ଯ୍ୟନ୍ତ ସ୍ବାଧୀନତା ଦିବସ ଓ ସଂସ୍କୃତ ସପ୍ତାହ ଉପଲକ୍ଷେ ବିଭିନ୍ନ କାର୍ଯ୍ୟକ୍ରମ ଏବଂ ପ୍ରତିଯୋଗିତାର ଆୟୋଜନ କରାଯାଇଥିଲା।
ସ୍ବାଧୀନତା ଦିବସରେ ମହାବିଦ୍ୟାଳୟ ପରିସରରେ ରଙ୍ଗୋଲି, ତ୍ରିରଙ୍ଗା ଯାତ୍ରା, ଦେଶଭକ୍ତି ନୃତ୍ୟ ଓ ଗୀତ ଓ ଅନ୍ୟାନ୍ୟ ସାଂସ୍କୃତିକ କାର୍ଯ୍ୟକ୍ରମ ହେବା ସହ ବିଦ୍ୟାର୍ଥୀମାନେ ଉତ୍ସାହପୂର୍ଣ୍ଣ ଭାବେ ଅଂଶଗ୍ରହଣ କରିଥିଲେ।
ସଂସ୍କୃତ ସପ୍ତାହରେ କଲିଗ୍ରାଫି, ସଂସ୍କୃତ କ୍ୱିଜ୍, ବାଦ୍-ବିବାଦ ପ୍ରତିଯୋଗିତା ଓ ଅନ୍ୟାନ୍ୟ ବୌଦ୍ଧିକ କାର୍ଯ୍ୟକ୍ରମ ହେବା ସହ ଶିକ୍ଷାର୍ଥୀମାନେ ସଂସ୍କୃତ ଭାଷା ପ୍ରତି ଆଗ୍ରହ ଓ ସମ୍ମାନ ବୃଦ୍ଧି କରିଥିଲେ।
ଉତ୍ସବର ଶେଷ ଦିନରେ ବିଦାୟ ସମାରୋହ ଆୟୋଜିତ ହୋଇଥିଲା, ଯାହାର ନିର୍ଦ୍ଦେଶନା ଓ ନିରୀକ୍ଷଣ କଲେ ମହାବିଦ୍ୟାଳୟର ପ୍ରାଧାନାଚାର୍ଯ୍ୟ ଶ୍ରୀମତୀ ରୀନା ମିଶ୍ର। ସମସ୍ତ ଅଧ୍ୟାପକ ଓ କର୍ମଚାରୀ ଏହି କାର୍ଯ୍ୟକ୍ରମରେ ସହଯୋଗ ଓ ସମର୍ପଣ ସହ ଅଂଶ ନେଇଥିଲେ।
