ଜଗା ଦର୍ଶନ କଲେ ବରିଷ୍ଠ, ଯୋଶଦା ମା ଫାଉଣ୍ଡେସନର ମହତ ପ୍ରୟାସ

ପୁରୀ : ଜଗା ଦୁଆରେ ଭାବରେ ବିଭୋର ହେଲେ ବରିଷ୍ଠ ନାଗରିକ । ବୟସର ଅପରାହ୍ନରେ ଚକା ଆଖି ସହ ଆଖି ମିଳେଇ ଆତ୍ମତୃପ୍ତିରେ ହଜିଗଲେ ଭୁବନେଶ୍ୱର ଚନ୍ଦ୍ରଶେଖରପୁର ଅଞ୍ଚଳର କିଛି ବରିଷ୍ଠ ନାଗରିକ। ଭୁବନେଶ୍ୱର ଯଶୋଦା ମା ଫାଉଣ୍ଡେସନ ତରଫରୁ ବିଶିଷ୍ଟ ଶିକ୍ଷାବିତ ଡ଼ ଧରିତ୍ରୀ ମହରଥା ଓ ପ୍ରକାଶ କୁମାର ରାଉତଙ୍କ ସହଯୋଗ କ୍ରମେ ଚନ୍ଦ୍ରଶେଖରପୁର ଅଞ୍ଚଳର ୨୫ ଜଣ ବୟସ୍କଙ୍କ ପାଇଁ ମହାପ୍ରଭୁ ଜଗନ୍ନାଥଙ୍କ ଦର୍ଶନର ବ୍ୟବସ୍ଥା ହୋଇଥିଲା ।ଭୁବନେଶ୍ୱରରୁ ପୁରୀ ଭ୍ରମଣ, ଜଗନ୍ନାଥ ଦର୍ଶନ ଓ ମହାପ୍ରସାଦ ସେବନର ବ୍ୟବସ୍ଥା କରାଯାଇଥିଲା। ସମ୍ପୂର୍ଣ୍ଣ ମାଗଣାରେ ଵା ବିନା ଶୁକ୍ଳରେ ଏଭଳି ସୁଯୋଗ ଦେଇଥିଲା ଅନୁଷ୍ଠାନ । ସମସ୍ତେ ମହାପ୍ରସାଦ ସେବନ କରି ଓ ସ୍ୱଚକ୍ଷୁରେ ଜଗାକୁ ଦେଖି ଭାବବିହ୍ୱଳ ହୋଇଯାଇଥିଲେ। ଆଗାମୀ ଦିନରେ ଏହିଭଳି ପ୍ରୟାସ କରାଯିବ ବୋଲି ଯଶୋଦା ମା ଫାଉଣ୍ଡେସନର ପ୍ରତିଷ୍ଠାତା ତଥା ସମାଜସେବୀ ନିବେଦିତା ଲେଙ୍କା କହିଛନ୍ତି। ଏଥିରେ ଯୁବ ସମାଜସେବୀ ପ୍ରତ୍ୟୁଷ ଭଞ୍ଜ ସହଯୋଗ କରିଥିଲେ।