ପୁଣି ରେକର୍ଡ ସୃଷ୍ଟି କରିଛନ୍ତି ଜିନପିଙ୍ଗ । ଥରେ ନୁହେଁ କି ଦୁଇ ଥର ନୁହେଁ ଲଗାତାର ତୃତୀୟ ଥର ପାଇଁ ଚାଇନାର ରାଷ୍ଟ୍ରପତି ଭାର ସମ୍ଭାଳିବାକୁ ଯାଉଛନ୍ତି ସି ଜିନପିଙ୍ଗ । ଆଜି ଚୀନର ସଂସଦ ସର୍ବସମ୍ମତିକ୍ରମେ ତାଙ୍କୁ ତୃତୀୟ ଥର ପାଇଁ ଦେଶର ରାଷ୍ଟ୍ରପତି ତଥା ଦେଶର ସେଂଟ୍ରାଲ ମିଲିଟାରୀ କମିଶନର ଅଧ୍ୟକ୍ଷ ଆସନ ଗ୍ରହଣ କରିବାକୁ ଭୋଟ ଦେଇଛନ୍ତି ଜନତା । ସେ ଆଗାମୀ ୫ ବର୍ଷ ପାଇଁ ଚୀନର ରାଷ୍ଟ୍ରପତି ହୋଇ ରହିବେ । ଏହା ବ୍ୟତୀତ ଉପରାଷ୍ଟ୍ରପତି ପଦବୀରେ ମଧ୍ୟ ହୋଇଛି ପରିବର୍ତନ । ୱାଙ୍ଗ କିଶାନଙ୍କ ସ୍ଥାନରେ ବିଦାୟୀ କାର୍ଯ୍ୟନିର୍ବାହୀ ଉପ-ପ୍ରଧାନମନ୍ତ୍ରୀ ହାନ୍ସ ଝେଙ୍ଗ୍ଙ୍କୁ ସି ଜିନପିଙ୍ଗ ଉପରାଷ୍ଟ୍ରପତି ଭାବେ ମନୋନିତ କରିଛନ୍ତି । ତାଙ୍କ ମନୋନୟନକୁ ମଧ୍ୟ ପ୍ରତିନିଧି ଦଳ ସମର୍ଥନ କରି ଭୋଟ ଦେଇଛନ୍ତି । ଏଥର ଚୀନ ରାଷ୍ଟ୍ରପତି ନିର୍ବାଚନରେ ସେ ଏକାକୀ ପ୍ରତିଦ୍ୱନ୍ଦିତା କରିଥିଲେ । ତେବେ ଏତିକି ବେଳେ ଦେଶର ମୁଖ୍ୟ ଭାବେ ତାଙ୍କୁ ନିର୍ବାଚିତ କରିବାକୁ ଥିଲେ ୨୯୫୨ଜଣ ପ୍ରତିନିଧି । ସମସ୍ତ ପ୍ରତିନିଧି ଜିନପିଙ୍ଗଙ୍କୁ ଭୋଟ ଦେଇଛନ୍ତି । କେହି ଜଣେ ହେଲେ ବି ଭୋଟଦାନରୁ ନିବୃତ ରହିନାହାନ୍ତି କିମ୍ବା ତାଙ୍କ ବିରୋଧରେ ଭୋଟ ଦେଇନାହାନ୍ତି । ଫଳାଫଳ ଘୋଷଣା କରାଯିବା ପରେ, ପ୍ରାୟ ଏକ ମିନିଟ ପାଖାପାଖି କରତାଳି ଶୁଭିଥିଲା । ସମସ୍ତଙ୍କ ସାମ୍ନାରେ ନବନିର୍ବାଚିତ ରାଷ୍ଟ୍ରପତି ଧନ୍ୟବାଦ ଜ୍ଞାପନ କରିଥିଲେ । ତେବେ ସବୁଠାରୁ ବଡ଼ କଥା ହେଉଛି ଯେ, ଚୀନରେ ଜଣେ ବ୍ୟକ୍ତି ସର୍ବାଧିକ ୨ଥର ରାଷ୍ଟ୍ରପତି ହୋଇପାରିବ । ଏହା ଥିଲା ସମ୍ବିଧାନର ପୁରୁଣା ନିୟମ । ବର୍ତମାନ ଦି ନ୍ୟାସନାଲ ପିପୁଲସ୍ କଂଗ୍ରେସ ବା ସଂସଦ ୨୦୧୮ରେ ଏହାକୁ ରଦ୍ଦ କରାଯାଇଛି । ଏବଂ ଏହି ନୂଆ ନିୟମ ଅନୁସାରେ, ଚୀନ ତୃତୀୟ ଥର ପାଇଁ ସି ଜିନପିଙ୍ଗଙ୍କୁ ରାଷ୍ଟ୍ରପତି ରୂପେ ପାଇଛି । ଫଳରେ ଚେୟାରମ୍ୟାନ ମାଓ ଜେଡୋଙ୍ଗଙ୍କ ପରେ ୬୯ ବର୍ଷିୟ ଜିନପିଙ୍ଗ ଆଜି ସବୁଠୁ ଶକ୍ତିଶାଳୀ ନେତା ହୋଇପାରିଛନ୍ତି । ତେବେ ପଡୋଶୀ ରାଷ୍ଟ୍ର ଭାବେ ଭାରତ ସହ ଚୀନର ସମ୍ପର୍କ ସେତେଟା ଭଲ ନାହିଁ । ଜିନପିଙ୍ଗଙ୍କ ଶାସନ କାଳରେ ହିଁ ଅନେକ ଯୁଦ୍ଧ ମାହୋଲ ସୃଷ୍ଟି ହେବାର ନଜର ରହିଛି । ତେବେ ଆଗକୁ ନୂଆ ରାଷ୍ଟ୍ରପତିଙ୍କ ତୃତୀୟ ଶାସନ ଯୁଗରେ ଭାରତ ସହ ସମ୍ପର୍କ କିପରି ରହିଛି ତାହା ଦେଖିବା ବାକି ରହିଲା ।
You May Also Like
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
ସାପର ଧମକ୍,ଦଂଶନ କରିବି
July 13, 2024
More From Author
ବନ୍ଦ୍ ହୋଇଯିବ ଇଣ୍ଟରନେଟ!
July 13, 2023
ବିଜେପି ଜାତୀୟ କାର୍ଯ୍ୟକାରୀ କମିଟିରେ ସମୀର
July 13, 2023
ସଂରକ୍ଷିତ ଜଙ୍ଗଲରୁ ବାରହା ମାଂସ ଜବତ, ୨ଗିରଫ
July 12, 2023
+ There are no comments
Add yours