ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମା’ଙ୍କର ପରଲୋକ ହୋଇଛି । ୧୦୦ ବର୍ଷ ବୟସରେ ହୀରାବେନ ଶେଷ ନିଶ୍ୱାସ ତ୍ୟାଗ କରିଛନ୍ତି ।୨ ଦିନ ପୂର୍ବେ ହୀରାବେନ ଅହମ୍ମଦାବାଦର ୟୁଏନ୍ ମେହଟା ହସ୍ପିଟାଲରେ ଭର୍ତି ହୋଇଥିଲେ । ଶ୍ୱାସକ୍ରିୟାରେ ସମସ୍ୟା ପାଇଁ ମେଡିକାଲରେ ଚିକିତ୍ସିତ ହେଉଥିଲେ ।ପ୍ରଧାନମନ୍ତ୍ରୀ ମୋଦୀ ଗୁରୁବାର ଦିନ ତାଙ୍କ ଅସୁସ୍ଥ ମା’ଙ୍କୁ ଅହମଦାବାଦ ହସ୍ପିଟାଲରେ ଭେଟି ସ୍ୱାସ୍ଥ୍ୟବସ୍ଥା ସମ୍ପର୍କରେ ପଚାରି ବୁଝିଥିଲେ । ହୀରାବେନଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିବା ନେଇ ହସ୍ପିଟାଲ ପକ୍ଷରୁ ବୁଲେଟିନ ଜାରି କରାଯାଇଥିଲା । ତେବେ ଚିକିତ୍ସାଧୀନ ଅବସ୍ଥାରେ ଗତକାଲି ବିଳମ୍ବିତ ରାତି ୩ ଟା ୩୦ ମିନିଟରେ ହୀରା ବେନଙ୍କ ଦେହାନ୍ତ ହୋଇଛି । ମାଙ୍କ ଦେହାନ୍ତ ନେଇ ପ୍ରଧାନମନ୍ତ୍ରୀ ନିଜେ ଟ୍ୱିଟ କରି ସୂଚନା ଦେଇଛନ୍ତି । ଏକ କୋହଭରା ଟ୍ୱିଟରେ ମୋଦୀ ଲେଖିଛନ୍ତି ଭଗବାନଙ୍କ ପାଦରେ ଏକ ଗୌରବମୟ ଶତାଦ୍ଦୀର ଅନ୍ତ ହୋଇଛି । ମା’ଜଣେ ନିସ୍ୱାର୍ଥପର କର୍ମଯୋଗୀ ଥିଲେ ବୋଲି ମୋଦି ଲେଖିଛନ୍ତି । ପଂଚଭୂତରେ ଲୀନ ହୋଇଛି ମା’ ହୀରାବେନଙ୍କ ପାର୍ଥିବ ଶରୀର । ଭାଇ ପଙ୍କଜ ମୋଦୀଙ୍କ ବାସ ଭବନରୁ ହୀରାବେନଙ୍କ ପାର୍ଥିବ ଶରୀରକୁ ଗାନ୍ଧୀନଗର ସେକ୍ଟର-୬ ଶ୍ମଶାନକୁ ନିଆଯିବା ପରେ ସେଠାରେ ମନ୍ତ୍ରପାଠ ସହ ସମସ୍ତ ରୀତିନିତି ଶେଷ ପରେ ଭାଇ ପଙ୍କଜ ମୋଦୀ ଓ ପ୍ରଧାନମନ୍ତ୍ରୀ ମୋଦୀ ମୁଖାଗ୍ନି ଦେଇଥିଲେ । ଶତାୟୁ ମାଆ ଙ୍କୁ ମେଲାଣୀ ଦେବାବେଳେ ଭାବବିହ୍ୱଳ ହୋଇପଡିଥିଲେ ମୋଦୀ ଓ ଭାଇ ପଙ୍କଜ । ଯାହା ତାଙ୍କ ଶେଷ ଦର୍ଶନ ଓ କୋକେଇକୁ କାନ୍ଧଦେଇ ନେଉ ଥିବାବେଳେ ସ୍ପଷ୍ଟ ବାରି ହୋଇପଡୁଥିଲା । ପୁଅ ରାଜା ହେଉ କି କଙ୍କର ମାଆ ଓ ସନ୍ତାନର ସମ୍ପର୍କ ଭିନ୍ନ ଓ ସ୍ୱତନ୍ତ୍ର । ଉଭୟ ମାଟିରେ ମିଶିବା ଯାଏଁ ଉଭୟଙ୍କୁ ଭୁଲିପାରିବା ଅସମ୍ଭବ । ଯାହା ମୋଦୀ ଓ ହୀରାବେନଙ୍କ ସମ୍ପର୍କ ପ୍ରମାଣ କରିଛି । ପିଲାବେଳୁ ମା’ ଦେଇଥିବା ଅମୂଲ୍ୟ ଶିକ୍ଷାକୁ ଆଧାର କରି ଜୀବନର ବାଟ ଚାଲୁଥିଲେ ଓ ଏବେବି ଚାଲୁଛନ୍ତି ମୋଦୀ । ଯଦିଓ ମୋଦୀଙ୍କ ମା ହୀରାବେନଙ୍କ ଜୀବନ ସଂଘର୍ଷମୟ ଥିଲା କିନ୍ତୁ ଜୀବନର ପ୍ରତ୍ୟେକ ମୁହୁର୍ତରେ ନିଜକୁ ସେ ଶୃଙ୍କଳିତ କରି ରଖିଥିଲେ । ମା’ଙ୍କ ସହ ମୋଦିଙ୍କ ଏକ ଖାସ୍ ସମ୍ପର୍କ ଥିଲା । ମାଙ୍କ ୧୦୦ ତମ ଜନ୍ମଦିନ ଅବସରରେ ପ୍ରଧାନମନ୍ତ୍ରୀ ମୋଦୀ ଏକ ବ୍ଲଗ ଲେଖିଥିଲେ । ଯେଉଁଥିରେ ସେ ତାଙ୍କ ମାଙ୍କ ବଳିଦାନ, ସଂଘର୍ଷମୟ କାହାଣୀ ସମ୍ପର୍କରେ ଉଲ୍ଲେଖ କରିଥିଲେ । ଜୀବନରେ ଅନେକ ପ୍ରତିକୂଳ ପରିସ୍ଥିତି ଦେଇ ହୀରାବେନ ଗତି କରିଥିଲେ । ଘରର ଆର୍ଥିକ ଓ ପାରିବାରିକ ସ୍ଥିତି ଖରାପ ଯୋଗୁଁ ଯଦିଓ ହୀରାବେନଙ୍କୁ ପାଠପଢିବା ପାଇଁ ସୁଯୋଗ ମିଳିନଥିଲା, ହେଲେ ସେ ନିଜ ପିଲାଙ୍କୁ ଉପଯୁକ୍ତ ଶିକ୍ଷାଦାନ ଲାଗି ଅନ୍ୟଘରେ କାମ କରିବା ପାଇଁ ମଧ୍ୟ ପ୍ରସ୍ତୁତ ଥିଲେ । ହୀରାବେନ କେବଳ ଘରର ସମସ୍ତ କାର୍ଯ୍ୟ କରୁନଥିଲେ ବରଂ ଘରର ଅନ୍ୟାନ୍ୟ ଖର୍ଚ୍ଚ ପୂରଣ ପାଇଁ ବାହାରେ ମଧ୍ୟ କାମ କରୁଥିଲେ । କିଛି ଲୋକଙ୍କ ଘରକୁ ଯାଇ ସେ ବାସନକୁସନ ମାଜି ଘରର ଖର୍ଚ୍ଚ ଉଠାଉଥିଲେ । ପିଲାଙ୍କର ଫି ଦେବା ପାଇଁ ସେ କେବେ କାହାଠୁ ୧ ଟଙ୍କା ବି ଉଧାର ନେଇ ନଥିଲେ । ହୀରାବେନ ସବୁବେଳେ ଚାହୁଁଥିଲେ ତାଙ୍କର ସମସ୍ତ ପିଲା ପାଠପଢି ଉଚ୍ଚ ଶିକ୍ଷିତ ହୁଅନ୍ତୁ ।
You May Also Like
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
ସାପର ଧମକ୍,ଦଂଶନ କରିବି
July 13, 2024
More From Author
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ଓଡ଼ିଶା ଆସୁଛି ୪୮ ହଜାର କ୍ଵିଣ୍ଟାଲ ଆଳୁ
August 21, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
+ There are no comments
Add yours