ଦୁନିଆର ସବୁଠାରୁ ଉଚ୍ଚ କୋଠା ଦୁବାଇର ବୁର୍ଜ ଖଲିଫା । ବର୍ତମାନ ଏହାକୁ ପଛରେ ପକାଇବାକୁ ସାଉଦି ଆରବର ରାଜକୁମାର ମହମ୍ମଦ ବିନ୍ ସଲମାନ୍ ପ୍ରସ୍ତୁତ ହେଉଛନ୍ତି । ସାଉଦି ଆରବ ପବ୍ଲିକ ଇନଭେଷ୍ଟମେଂଟ ଫଣ୍ଡ ଏକ ମେଗା ଟାୱାର ନିର୍ମାଣ କରିବାକୁ ଯୋଜନା କରୁଛି । ରାଜଧାନୀ ରିୟାଦ୍ର ଉତରରେ ୧୮ କିଲୋମିଟର ଚଉଡା ଅଂଚଳରେ ଏହା ଏକ ବିକାଶମୂଳକ ଯୋଜନାରେ ନିର୍ମାଣ ହେବ । ଏହି ମେଗା ଟାୱାର ବୁର୍ଜ ଖଲିଫା ଉଚ୍ଚତାର ଦୁଇଗୁଣ ହେବ ଯାହା ବର୍ତମାନ ୮୨୮ ମିଟର ଉଚ୍ଚ ରହିଛି । ଏହି ପ୍ରକଳ୍ପ ସହିତ ଜଡିତ କଂଟ୍ରାକ୍ଟର ମାନେ କହିଛନ୍ତି ଯେ ରିୟାଦରେ ଏହି ଉଚ୍ଚକୋଠା ନିର୍ମାଣ ପାଇଁ ୫ ବିଲିୟନ ଡଲାର ଖର୍ଚ୍ଚ ହେବ । ମିଡିଆ ରିପୋର୍ଟ ଅନୁଯାୟୀ ମେଗା ଟାୱାର ନିର୍ମାଣ ପାଇଁ ଏକ ଡିଜାଇନ୍ ପ୍ରତିଯୋଗିତା ଚାଲିଛି । ଯେଉଁଥିରେ ଅଂଶଗ୍ରହଣ କ଼ରିବା ପାଇଁ ଦେୟ ୧ ମିଲିୟନ ଡଲାର ସ୍ଥିର କରାଯାଇଛି । ଏହି ପ୍ରତିଯୋଗିତାରେ ଭାଗ ନେବାକୁ ଆଠଟି କମ୍ପାନୀକୁ ନିମନ୍ତ୍ରଣ କରାଯାଇଛି । ଦୁନିଆର କେତେକ ଅଗ୍ରଣୀ ସ୍ଥାପତ୍ୟ କମ୍ପାନୀ ମଧ୍ୟ ଏଥିରେ ସାମିଲ ଅଛନ୍ତି । ଯାହାର ବିଶ୍ୱରେ ଅନେକ ମେଗାଟାୱାର ନିର୍ମାଣ କରିବାର ଅଭିଜ୍ଞତା ଅଛି । ପ୍ରୋଜେକ୍ଟ ସାଇଟ୍ରେ କିଙ୍ଗ ଖାଲିଦ ଆନ୍ତର୍ଜାତୀୟ ବିମାନବନ୍ଦର ପଶ୍ଚିମ ଦିଗରେ ଅବସ୍ଥିତ । ବିମାନ ବନ୍ଦରର ସମ୍ପ୍ରସାରଣ ଯୋଜନା ନିକଟରେ ଘୋଷଣା କରାଯାଇଥିଲା । ଏହା କିଙ୍ଗ ସଲମାନ୍ ଅନ୍ତର୍ଜାତିୟ ବିମାନବନ୍ଦର ଭାବେ ଜଣାଶୁଣା । ଯାହା ୨୦୩୦ ସୁଦ୍ଧା ପ୍ରସ୍ତୁତ ହେବ । ଯାତ୍ରୀଙ୍କ ସଂଖ୍ୟାକୁ ଦୃଷ୍ଟିରେ ରଖି ଦୁନିଆର ସବୁଠାରୁ ବଡ ବିମାନ ବନ୍ଦର ହେବ । ଏହି ବିମାନ ବନ୍ଦର ୫୭ କିଲୋମିଟର ଅଂଚଳରେ ବସ୍ତାର ହେବ । ଗୋଟିଏ ପରେ ଗୋଟିଏ ୬ଟି ରନୱେ ରହିବ । ଏହା ବ୍ୟତୀତ ସାଉଦି ଆରବରେ ଅନ୍ୟାନ୍ୟ ଉଚ୍ଚ ଅଟ୍ଟାଳିକା ମଧ୍ୟ ଯୋଜନା କରାଯାଇଛି । ସାଉଦି ଆରବ ଏହାର ଭିଜନ ୨୦୩୦ରେ କାମ କରୁଛି । ସାଉଦି ଆରବ ନିଇଓମ୍ ସହର ସ୍ଥାପନ କରୁଛି, ଯାହାର ପ୍ରଥମ ମଡ୍ୟୁଲ ୧୭୦ କିଲୋମିଟର ଲମ୍ବ ହେବ । ଏହା ବ୍ୟତୀତ ସାଉଦି ଆରବରେ ୫୦୦ ମିଟର ଉଚ୍ଚ ହୋଟେଲ ନିର୍ମାାଣ କରାଯିବାର ମଧ୍ୟ ଯୋଜନା ରହିଛି । କେତେକ ଗଣମାଧ୍ୟମ ରିପୋର୍ଟରେ ଏହା ମଧ୍ୟ ଦାବି କରାଯାଇଛି ଯେ ସାଉଦି ଆରବର ପ୍ରିନ୍ସ ମହମ୍ମଦ ବିନ୍ ସଲମାନ ଏହି ପ୍ରକଳ୍ପ ମାଧ୍ୟମରେ ଦୁବାଇ ସହିତ ପ୍ରତିଦ୍ୱନ୍ଦିତା କରିବାକୁ ଚାହୁଁଛନ୍ତି ।
You May Also Like
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
ସାପର ଧମକ୍,ଦଂଶନ କରିବି
July 13, 2024
More From Author
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ଓଡ଼ିଶା ଆସୁଛି ୪୮ ହଜାର କ୍ଵିଣ୍ଟାଲ ଆଳୁ
August 21, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
+ There are no comments
Add yours