ଏଟିଏମ କହିଲେ ସାଧାରଣ ଭାଷାରେ ଟଙ୍କା ଉଠାଇବା ମେସିନକୁ ହିଁ ବୁଝାଇଥାଏ । କିନ୍ତୁ ଆମେ ଯଦି ଆପଣଙ୍କୁ କହୁ କି ଏପରି ଏକ ଏଟିଏମ ରହିଛି ଯେଉଁଥିରୁ ଟଙ୍କା ବଦଳରେ ବାହାରୁଛି ସୁନା । ତେବେ ଆପଣ ଶୁଣି ତାଜୁବ୍ ହେବେ ନିଶ୍ଚୟ । ଆଜ୍ଞା ହଁ ଖବରଟି ସମ୍ପୂର୍ଣ୍ଣ ସତ୍ୟ । ଦେଶରେ ପ୍ରଥମଥର ପାଇଁ ହାଇଦ୍ରାବାଦରେ ତିଆରି ହୋଇଛି ଏପରି ଏକ ନିଆରା ଏଟିଏମ । ଯେଉଁଥିରୁ ଟଙ୍କା ବଦଳରେ ବାହାରୁଛି ସୁନା କଏନ । ବେଗମପେଟ୍ରେ ଗୋଲଡ୍ସିକ୍କା ଲିମିଟେଡ ନାମକ କମ୍ପାନି ପକ୍ଷରୁ ଏହି ଏଟିଏମର ଉନ୍ମୋଚନ କରାଯାଇଛି । ଫଳରେ ଗ୍ରାହକମାନେ ଗହଣା ଦୋକାନକୁ ନଯାଇ ଏଟିଏମରୁ ସୁନା କଏନ କିଣିପାରିବେ । ଏଠାରେ ୨୪ ଘଂଟା ସୁନା କିଣିବା ପାଇଁ ସୁଯୋଗ ମିଳିବ । ହାଇଦ୍ରାବାଦର ଓପନକ୍ୟୁବ ଟେକ୍ନୋଲୋଜିସ୍ ପ୍ରାଇଭେଟ ଲିମିଟେଡ ପକ୍ଷରୁ ଏଥିପାଇଁ ସଫ୍ଟୱେର ଯୋଗାଇ ଦିଆଯାଇଛି । ଏହା ବିଶ୍ୱର ପ୍ରଥମ ରିଅଲ ଟାଇମ ସୁନା ଏଟିଏମ ତଥା ହାଇଦ୍ରାବାଦରେ ବିଶ୍ୱର ପ୍ରଥମ ରିୟଲ ଟାଇମ ସୁନା ଏଟିଏମ ବୋଲି ଦାବି କରାଯାଇଛି । ଅର୍ଥାତ ବଜାରରେ ସୁନା ମୂଲ୍ୟରେ ହେଉଥିବା ଉତ୍ଥାନ ପତନ ଅନୁସାରେ ଏଠାରେ ମଧ୍ୟ ମୂଲ୍ୟରେ ପରିବର୍ତନ ଦେଖିବାକୁ ମିଳିବ । ସେହି ପରିବର୍ତିତ ଦରରେ ସୁନା କଏନ କିଣାଯାଇପାରିବ । କ୍ରେଡିଟ କିମ୍ବା ଡେବିଟ୍ କାର୍ଡ ଜରିଆରେ ସୁନା କଏନ କିଣିପାରିବେ ଗ୍ରାହକ । ୦.୫ ଗ୍ରାମ, ୧ ଗ୍ରାମ, ୨ ଗ୍ରାମ, ୫ ଗ୍ରାମ, ୧୦ ଗ୍ରାମ, ୨୦ ଗ୍ରାମ, ୫୦ ଗ୍ରାମରୁ ୧୦୦ ଗ୍ରାମ ପର୍ଯ୍ୟନ୍ତ ସୁନା ଏଟିଏମରୁ ବାହାରି ପାରିବ । ଏଟିଏମରେ ୫ କେଜି ପର୍ଯ୍ୟନ୍ତ ସୁନା ରହିବାର କ୍ଷମତା ରହିଛି, ଯାହାର ମୂଲ୍ୟ ପ୍ରାୟ ୧ରୁ ୩ କୋଟି ଟଙ୍କା ହେବ । ଆଗାମୀ ଦିନରେ ଦେଶରେ ପାଖାପାଖି ୩ ହଜାର ଏଟିଏମ ସ୍ଥାପନ କରିବା ସହ ବିଦେଶରେ ମଧ୍ୟ ଖୋଲିବା ଯୋଜନା ରଖିଛି କମ୍ପାନି । ଗୋଲ୍ଡସିକ୍କା କମ୍ପାନୀର ଉପାଧ୍ୟକ ପ୍ରତାପ କହିଛନ୍ତି ଯେ ଗୋଲ୍ଡସିକ୍କା ଲିମିଟେଡ ଏକ ଚାରିବର୍ଷ ପୁରୁଣା କମ୍ପାନୀ । ଏହା ବୁଲିଅନ ଟ୍ରେଡିଂରେ ଜଡିତ । ଏହି ଏଟିଏମର ମୁଖ୍ୟ ପାର୍ଟ ହେଉଛି ଏଥିରୁ ସୁନା ମୁଦ୍ରା କାଢିବା ସହ ସୁନା ମୂଲ୍ୟରେ ଲାଇଭ ଅପଡେଟ ହେବ । କମ୍ପାନୀ କହିଛି ଯେ ଲୋକମାନେ ସୁନାରେ ବିନିଯୋଗ କରୁଛନ୍ତି ଏବଂ ଦିନକୁ ଦିନ ସୁନା ଚାହିବା ବଢୁଛି । ଏହାକୁ ଦୃଷ୍ଟିରେ ରଖି ଏହି ସୁନା ଏଟିଏମ ସଂସ୍ଥାପିତ କରାଯାଇଛି । ଏହା ମାଧ୍ୟମରେ ଲୋକମାନେ ବର୍ତମାନ ସହଜରେ ଶୁଦ୍ଧ ସୁନା ପାଉଛନ୍ତି । ଗୋଲ୍ଡ ଏଟିଏମର ଉଦ୍ଦେଶ୍ୟ ହେଉଛି ଗ୍ରାହକଙ୍କୁ ୨୪ଇନ୍ଟୁ ୭ ସୁବିଧା ଯୋଗାଇବା । ସୁନା ଏଟିଏମରୁ ବିତରଣ ହେଉଥିବା ମୁଦ୍ରାଗୁଡିକ ହେଉଛି ୨୪ଳ ସୁନା ଏବଂ ୯୯୯ ସାର୍ଟିଫିକେଟ ଯୁକ୍ତ । ସୁନାର ଲାଇଭ ମୂଲ୍ୟ ମଧ୍ୟ ଏହାର ପରଦାରେ ଦେଖାଯିବ । ଲୋକମାନେ ଅଳଙ୍କାର ଦେକାନକୁ ଯିବା ପରିବର୍ତେ ସିଧାସଳଖ ମୂଦ୍ରା ପାଇପାରିବେ ।
You May Also Like
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
ସାପର ଧମକ୍,ଦଂଶନ କରିବି
July 13, 2024
More From Author
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ଓଡ଼ିଶା ଆସୁଛି ୪୮ ହଜାର କ୍ଵିଣ୍ଟାଲ ଆଳୁ
August 21, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
+ There are no comments
Add yours