ଆଫଗାନିସ୍ତାନ କ୍ରିକେଟର ଗୁରବାଜଙ୍କ ମହନୀୟତା । ଭୋର ୩ଟା ରାତିରେ ଯାଇ ଗରିବଙ୍କୁ ୫ଶହ ଟଙ୍କିଆ ନୋଟ ବାଣ୍ଟିଲେ ଆଫଗାନିସ୍ତାନର ଏହି କ୍ରିକେଟର । ଆଫଗାନିସ୍ତାନ ବ୍ୟାଟ୍ସମ୍ୟାନ୍ ରହମାନୁଲ୍ଲା ଗୁରବାଜ ଭୋର ୩ ରାତିରେ ଯାଇ ଫୁଟପାଥରେ ଶୋଇଥିବା ଗରିବ ଲୋକଙ୍କୁ ଟଙ୍କା ବାଣ୍ଟିଥିଲେ । ତେବେ ଲୋକେ ଶୋଇଥିବାରୁ ସେ କାହାକୁ ଉଠାଇନଥିଲେ । ଶୋଇଥିବା ଲୋକଙ୍କ ପାଖରେ ଗୋଟିଏ ଲେଖାଏଁ ୫ଶହ ଟଙ୍କିଆ ନୋଟ ରଖି ଚାଲିଯାଇଥିଲା ।
ଦୀପାବଳି ଅବସରରେ ଉତ୍ସବ ପାଳନ କରିବାକୁ ଗରିବ ଶ୍ରେଣୀର ଲୋକଙ୍କୁ ସେ ଏହି ଟଙ୍କା ଦେଇଥିବା କହିଛନ୍ତି । ଏହି ଘଟଣା ଯେପରି କେହି ନଜାଣେ ସେଥିଲାଗି ସେ ଭୋର ୩ଟା ରାତିରେ ଯାଇଥିଲେ । ଅହମ୍ମଦାବାଦର ଫୁଟପାଥରେ ଶୋଇଥିବା ଗରିବ ଲୋକଙ୍କ ପାଖରେ ଗୋଟିଏ ଲେଖାଏଁ ୫ଶହ ଟଙ୍କିଆ ନୋଟ ରଖିଥିଲେ। ତେବେ ଏହି ସମୟରେ କେହି ଜଣେ ବ୍ୟକ୍ତି ଗୁରବାଜଙ୍କୁ ଚିହ୍ନ ତାଙ୍କର ଏହି ଭିଡିଓ କରିଥିଲେ।
That's #Afghanistan cricket player #RahmanullahGurbaz on the streets of Ahmedabad, Gujarat winning hearts of millions by his kind gesture.
— Saba Khan (@ItsKhan_Saba) November 12, 2023
Gurbaz was recorded silently putting 500 rupee note besides homeless people sleeping on the foothpath at night.
Team Afghanistan may have… pic.twitter.com/9Dpzh81HlN
ଗୁଜବାଜ ସେଠାରୁ କାରରେ ଚାଲିଗଲା ପରେ ଫୁଟପାଥରେ ଶୋଇଥିବା ଲୋକଙ୍କ ନିକଟକୁ ଯାଇ ଦେଖିଥିଲେ ଯେ ପ୍ରତି ଲୋକଙ୍କ ପାଖରେ ଗୋଟିଏ ଲେଖାଏଁ ୫ଶହ ଟଙ୍କିଆ ନୋଟ ରଖାହୋଇଛି । ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେଉଛି । ଆଫଗାନିସ୍ଥାନର ବ୍ୟାଟ୍ସମ୍ୟାନ ରହମାନୁଲ୍ଲା ଗୁରବାଜ ଆଇପିଏଲରେ ମଧ୍ୟ ଅଂଶଗ୍ରହଣ କରୁଛନ୍ତି । ଗୁଜରାଟ ଟାଇଟନ୍ସର ପକ୍ଷରୁ ସେ ଖେଳୁଛନ୍ତି । ଅହମ୍ମଦବାଦ ଗୁଜରାଟ ଟାଇଟାନ୍ସର ହୋମ ପିଚ୍ । ଆଫଗାନିସ୍ତାନ ଦକ୍ଷିଣ ଆଫ୍ରିକା ବିପକ୍ଷରେ ଅହମ୍ମଦାବାଦରେ ଶେଷ ଲିଗ୍ ମ୍ୟାଚ୍ ଖେଳିଥିଲା ।