ଶୁଣ୍ଢରେ ଉଠାଇ କଚାଡି ଦେଲା ହାତୀ

ଶବ୍ଦ ଓଡିଶା ବ୍ୟୁରୋ: ମହିଳାଙ୍କୁ ଶୁଣ୍ଢରେ ଧରି କଚାଡି ଦେଲା ଦନ୍ତା। ସୁନ୍ଦରଗଡ ଜିଲ୍ଲା କୋଇଡା ବନାଞ୍ଚଳ ଅନ୍ତର୍ଗତ କନ୍ତରକୋଇଡା ଗ୍ରାମର ମୁଣ୍ଡା ବସ୍ତିରେ ଏହି ଘଟଣା ଘଟିଛି । ଦନ୍ତା ହାତୀ ଆକ୍ରମଣରେ ଜଣେ ମହିଳା ଗୁରୁତର ଆହତ ହୋଇଛନ୍ତି। ଆହତ ମହିଳା ହେଲେ ମୁଣ୍ଡାବସ୍ତିର ଘାସିରାମ ମୁଣ୍ଡାଙ୍କ ପତ୍ନୀ ଟୁଣୀ ମୁଣ୍ଡା ।

ସନ୍ଧ୍ୟାରେ ଟୁଣୀ ଘର ବାହାରେ କୌଣସି କାମ କରୁଥିଲେ। ଏହି ସମୟରେ ଗୋଠ ଛଡ଼ା ଦନ୍ତା ହାତୀଟି ଆସି ଘର ଭାଙ୍ଗି ଦେଇଥିଲା। ଟୁଣୀ ଆସି ହାତୀଟିକୁ ଘଉଡାଇବାରୁ ତାଙ୍କୁ ଶୁଣ୍ଢରେ ଉଠାଇ କଚାଡି ଦେଇଥିଲା।