ରାୟଗଡ ଜିଲ୍ଲାର ଦୁଇଟି ଆକାଂକ୍ଷୀ ବ୍ଲକ କାର୍ଯ୍ୟକ୍ରମର ଶୁଭାରମ୍ଭ

ରାୟଗଡ଼ା : ପିରାମଲ ଫାଉଣ୍ଡେସନ ସହଯୋଗରେ ଜିଲ୍ଲା ପ୍ରଶାସନ ପକ୍ଷରୁ ଆକାଂକ୍ଷୀ ବ୍ଲକ କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି । ସ୍ଥାନୀୟ ଜିଲ୍ଲା ପରିଷଦ ସଭାଗୃହଠାରେ ଆୟୋଜିତ ଏହି କାର୍ଯ୍ୟକ୍ରମର ଶୁଭାରମ୍ଭ ଓ ଓରିଏଣ୍ଟେସନରେ ଅତିରିକ୍ତ ଜିଲ୍ଲାପାଳ ଧର୍ମାନନ୍ଦ ବେହେରା ଅଧ୍ୟକ୍ଷତା କରିଥିଲେ ଓ ନିଜର ବକ୍ତବ୍ୟରେ କହିଲେ ଯେ ପୀରମଲ ଫାଉଣ୍ଡେସନ ଓ ବ୍ଲକ ସ୍ଥରରେ କାର୍ଯ୍ୟ କରୁଥିବା ଅଧିକାରୀଙ୍କ ସହିତ ସମନ୍ୱୟ, ସହଯୋଗୀତା, ସହାଭାଗିତାରେ ସଂଘଠିତ ହୋଇ ଅଭିଯାନ ଆରମ୍ଭ କଲେ ସଫଳ ମିଳିବ ବୋଲି କହିଥିଲେ ଲ ବୈଠକରେ ଜିଲ୍ଲା ଶିକ୍ଷା ଅଧିକାରୀ, ଜିଲ୍ଲା ନିଯୁକ୍ତି ବିନିମୟ ଅଧିକାରୀ, ଜିଲ୍ଲା ସୂଚନା ବିଜ୍ଞାନ ଅଧିକାରୀ ଙ୍କ ସମେତ ଜିଲ୍ଲାସ୍ତରୀୟ ଅଧିକାରୀ ଓ ଅନ୍ୟlନ୍ୟ ସଂପୃକ୍ତ ଜିଲ୍ଲାସ୍ତରୀୟ ଅଧିକାରୀମାନେ ଉପସ୍ଥିତ ଥିଲେ। ବୈଠକରେ ଜିଲ୍ଲାସ୍ତରୀୟ ଅଧିକାରୀଙ୍କ ବ୍ୟତୀତ ମନୋନୀତ ଆକାଂକ୍ଷୀ ବ୍ଲକର ବ୍ଲକ ଉନ୍ନୟନ ଅଧିକାରୀ ଙ୍କ ସମେତ ବ୍ଲକସ୍ତରୀୟ ଅଧିକାରୀ ଏବଂ ଲାଇନ୍ ବ୍ଲକସ୍ତରୀୟ ଅଧିକାରୀମାନେ ଉପସ୍ଥିତ ଥିଲେ। ବୈଠକରେ ପିରାମଲ ଫାଉଣ୍ଡେସନ ଟିମ୍ ସହଯୋଗ କରିଥିଲା। ଏହି କାର୍ଯ୍ୟକ୍ରମର ଶୁଭାରମ୍ଭ ପୂର୍ବରୁ କାର୍ଯ୍ୟକ୍ରମକୁ କିପରି କାର୍ଯ୍ୟକାରୀ କରାଯିବ ସେ ନେଇ ଏକ ଖୋଲା ଗୃହ ଆଲୋଚନା ଅନୁଷ୍ଠିତ ହୋଇଥିଲା । ରାୟଗଡ଼ା ଜିଲ୍ଲାର ପଦ୍ମପୁର ଓ ମୁନିଗୁଡା ବ୍ଲକକୁ ଆକାଂକ୍ଷୀ ବ୍ଲକ ଭାବେ ଚିହ୍ନଟ କରାଯାଇଥିବା ବେଳେ ଆକାଂକ୍ଷୀ ବ୍ଲକ କାର୍ଯ୍ୟକ୍ରମ ଅଧୀନରେ ବ୍ଲକ ଉନ୍ନୟନ ଅଧିକାରୀଙ୍କୁ ବ୍ଲକର ନୋଡାଲ ଅଫିସର ଭାବେ ଦାୟିତ୍ୱ ଦିଆଯାଇଛି । ପିରାମଲ ଫାଉଣ୍ଡେସନର ପ୍ରୋଗ୍ରାମ ଲିଡର ଅନନ୍ୟା ଚକ୍ରବର୍ତ୍ତୀ ଆକାଂକ୍ଷୀ ବ୍ଲକ କାର୍ଯ୍ୟକ୍ରମର ପ୍ରମୁଖ ବିଷୟଗତ କ୍ଷେତ୍ର ଏବଂ ସେମାନଙ୍କ ସହ ଜଡିତ ସୂଚକାଙ୍କ ଉପରେ ଆଲୋକପାତ କରିଥିଲେ । ବିଭିନ୍ନ ବିଭାଗର ପ୍ରତିନିଧିମାନେ କାର୍ଯ୍ୟକ୍ରମ ଅଧୀନରେ ଥିବା ସୂଚକାଙ୍କ ଆଧାରରେ ହସ୍ତକ୍ଷେପ ଯୋଜନା କରିବା ପୂର୍ବରୁ ତଥ୍ୟ ସଂଗ୍ରହ ସହିତ ଜଡିତ ଆହ୍ୱାନ ଗୁଡ଼ିକ ଉପରେ ଆଲୋଚନା କରିଥିଲେ । ବିଭିନ୍ନ ବିଭାଗୀୟ ପ୍ରତିନିଧିଙ୍କ ମଧ୍ୟରେ ସହଯୋଗ ଏବଂ ପିରାମଲ ଫାଉଣ୍ଡେସନ ଟିମକୁ କ୍ଷେତ୍ରୀୟ ସହାୟତା ପ୍ରଦାନ କରିବା ପାଇଁ ଆଲୋଚନାର ଫଳାଫଳ ସକାରାତ୍ମକ ଅନୁମୋଦନ ଦେଇଥିଲା । ଶେଷରେ ଆସ୍ପିରେସନାଲ ବ୍ଲକ କାର୍ଯ୍ୟକ୍ରମ ର ଶୁଭାରମ୍ଭ ସହ ବୈଠକ ଶେଷ ହୋଇଥିଲା।