ସମ୍ବଲପୁରରେ ପୋଲିସ ଡ୍ରାଇଭର ମହାସଂଘ କର୍ମକର୍ତ୍ତା ମୁହାଁମୁହିଁ,୧୦୦ ଜଣ ଆନ୍ଦୋଳନକାରୀ ଅଟକ

ଶବ୍ଦମିଡ଼ିଆ ବ୍ୟୁରୋ:ଆଜି ସମ୍ବଲପୁରରେ ଡ୍ରାଇଭର କର୍ମକର୍ତ୍ତା ଏବଂ ପୋଲିସ ମଧ୍ୟରେ ମୁହାଁମୁହିଁ ହୋଇଥିଲେ।ଡ୍ରାଇଭରମହା ସଂଘର କର୍ମକର୍ତ୍ତା ରାସ୍ତାରୋକ ପାଇଁ ଉଦ୍ୟମ କଲାବେଳେ ଏଭଳି ପରିସ୍ଥିତି ସୃଷ୍ଟି ହୋଇଛି । ଶହେ କର୍ମକର୍ତ୍ତାଙ୍କୁ ପୋଲିସ ଅଟକ ରଖିଛି।

ସୂଚନାନୁଯାୟୀ, ସମ୍ବଲପୁର-ଦେବଗଡ଼ ରାସ୍ତାର ଜୟନ୍ତପୁର ଛକରେ ଆନ୍ଦୋଳନରେ ୧୦୦ରୁ ଅଧିକ ଡ୍ରାଇଭର ବସିଥିଲେ ।ଆନ୍ଦୋଳନ ସହ ରାସ୍ତା ଅବରୋଧ କରିବାକୁ ଯୋଜନା କରୁଥିଲେ । ଏଥିରେ ପୁଲିସ ବାଧା ଦେବାରୁ ସ୍ଥିତି ଉତ୍ତେଜନାପୂର୍ଣ୍ଣ ରହିଥିଲା । ଘଟଣା ସ୍ଥଳରେ ଥିବା ୧୦୦ ରୁ ଅଧିକ ଡ୍ରାଇଭରଙ୍କୁ ପୁଲିସ ଉଠାଇ ନେଇ ଅଟକ ରଖିଛି ।ତେବେ ସରକାର ଏହି ଆନ୍ଦୋଳନ ସମ୍ପର୍କରେ ଆଲୋଚନା ନକରିବା ପର୍ଯ୍ୟନ୍ତ ଏହିଭଳି ସ୍ଥିତି ଉପୁଜୀବ ବୋଲି କୁହାଯାଇପାରେ।