ଶବ୍ଦମିଡିଆ ବ୍ୟୁରୋ:ଓଡ଼ିଶା କୃଷି ଓ ବୈଷୟିକ ବିଶ୍ଵିଦ୍ୟାଳୟ ର କଲେଜ୍ ଅଫ୍ ବେସିକ୍ ସାଇନ୍ସ୍ ଆଣ୍ଡ୍ ହ୍ୟୁମାନିଟିଜ୍ ପରିସରରେ ବିଜ୍ଞାନ ଶିକ୍ଷା ର ଗୁରୁତ୍ୱ ଉପଲବ୍ଧି କରି ତଥା ଛାତ୍ରଛାତ୍ରୀଙ୍କ ବୈଜ୍ଞାନିକ ଚିନ୍ତାଧାରା ର ଅଭିବୃଦ୍ଧି କୁ ଦୃଷ୍ଟି ରେ ରଖି କଲେଜ ର ବିଜ୍ଞାନ ସମିତି ତରଫରୁ ୫୭ତମ କଲେଜସ୍ତରୀୟ ବିଜ୍ଞାନମେଳା ଅନୁଷ୍ଠିତ ହୋଇଯାଇଛି | କଲେଜ ର ନିର୍ଦ୍ଦେର୍ଶକ ଡ଼କ୍ଟର. ସି.ଏସ.କେ ମିଶ୍ର ଆନୁଷ୍ଠାନିକ ଭାବେ କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ | ବିଜ୍ଞାନସମିତି ର ଉପସଭାପତି ଡ଼କ୍ଟର. ରୋଜାଲିନ୍ ପଟ୍ଟନାୟକ ସ୍ୱାଗତଭାଷଣ ଏବଂ କାର୍ଯ୍ୟକ୍ରମ ସମ୍ବନ୍ଧୀୟ ସୂଚନା ପ୍ରଦାନ କରିବା ସହିତ ଛାତ୍ରଛାତ୍ରୀ ଙ୍କୁ ସ୍ୱାଗତ କରିଥିଲେ | ଏହି ବିଜ୍ଞାନମେଳା ରେ +୨ ଓ +୩ ରୁ ସର୍ବମୋଟ 60 ଜଣ ଛାତ୍ରଛାତ୍ରୀ ଅଂଶଗ୍ରହଣ କରିବା ସହିତ ନିଜନିଜ ପ୍ରକଳ୍ପ ସମ୍ବନ୍ଧରେ ସମସ୍ତଙ୍କୁ ପ୍ରାଞ୍ଜଳ ଭାବେ ବୁଝାଇଥିଲେ | ଭାରତୀୟ ଜଳ ପରିଚାଳନା ପ୍ରତିଷ୍ଠାନର ପ୍ରଧାନ ବୈଜ୍ଞାନିକ ଡଃ ପ୍ରମୋଦ କୁମାର ପଣ୍ଡା ଭାରତରେ ବିକଶିତ ବିଜ୍ଞାନକୁ ବିଶ୍ବରେ ସର୍ବୋକୃଷ୍ଟ କରିବାକୁ ଛାତ୍ରଛାତ୍ରୀଙ୍କୁ ଆହ୍ବାନ ଦେଇଥିଲେ । ସେ କହିଲେ ଯେ ପ୍ରାଚୀନ କାଳରେ ଆମେ ବିଜ୍ଞାନରେ ଅନ୍ୟ ଦେଶଠୁ ବହୁତ ଆଗରେ ଥିଲେ ।ଆପଣ ମାନେ ନିଜ ବୁଦ୍ଧି ଓ ଚେଷ୍ଟା ବଳରେ ଏପରି ବିଜ୍ଞାନ ସୃଷ୍ଟି କରନ୍ତୁ ଯଦ୍ବାରା ଅନ୍ୟ ଦେଶର ଛାତ୍ରଛାତ୍ରୀ ଓ ନାଗରିକ ବିଜ୍ଞାନ ଶିକ୍ଷା ପାଇଁ ଆମ ଦେଶକୁ ଆସିବାକୁ ବାଧ୍ୟ ହେବେ । ବର୍ତ୍ତମାନ ସମାଜରେ ଜନସାଧାରଣଙ୍କ ଯେଉଁ ଅଭାବ ଓ ଅସୁବିଧା ରହିଛି ବିଜ୍ଞାନ ପ୍ରୟୋଗ ଦ୍ଵାରା କିପରି ସେସବୁକୁ ଦୂର କରାଯାଇ ପାରିବ ସେ ବିଷୟରେ ଚିନ୍ତା କରିବା ପାଇଁ ସେ ଛାତ୍ରଛାତ୍ରୀଙ୍କୁ ପରାମର୍ଶ ଦେଇଥିଲେ ଏବଂ ଆଞ୍ଚଳିକ ଆୟୁର୍ବିଜ୍ଞାନ ଅନୁସନ୍ଧାନ ସଂସ୍ଥାନ (RMRC) ର ବୈଜ୍ଞାନିକ ଡ଼କ୍ଟର. ଶୁଭେନ୍ଦୁ କୁମାର ଆଚାର୍ଯ୍ୟ , ଅନ୍ୟତମ ଅଥିଥି ଭାବେ ଯୋଗ ଦେଇ ପ୍ରକଳ୍ପ ଗୁଡିକୁ ପରିଦର୍ଶନ ବିଦ୍ୟାର୍ଥି ମନଙ୍କୁ ଜୀବ ବିଜ୍ଞାନ ରେ ରହିଥିବା ଗବେଷଣା ଓ ସୁଯୋଗ ସଂପର୍କ ରେ ବୁଝାଇ ଥିଲେ | କଲେଜ ର ବିଜ୍ଞାନ ସମିତି ର ଛାତ୍ରଛାତ୍ରୀ ଙ୍କ ଶୃଙ୍ଖଳାଜ୍ଞାନ ତଥା ନିଃସ୍ଵାର୍ଥପର ସେବାମନୋବୃତ୍ତି କୁ ଅତିଥି ମାନେ ପ୍ରଶଂସା କରିବା ସହିତ ଦୈନନ୍ଦିନ ଜୀବନ ରେ ବିଜ୍ଞାନର ମହତ୍ୱ ସମ୍ପର୍କ ରେ ବକ୍ତ୍ଋତା ପ୍ରଦାନ କରିଥିଲେ | ବିଜ୍ଞାନସମିତି ର ଚେୟାରମ୍ୟାନ ଅଙ୍କିତ୍ କୁମାର ପାଢ଼ୀ ,ସହ ଚେୟାରମ୍ୟାନ ବିଶ୍ୱଜିତ ବଳିୟାରସିଂହ ଏବଂ ଇନଚାର୍ଜ ଆର୍ୟପୁତ୍ର ପାର୍ଥସାରଥୀ ଦାସ ଏହି କାର୍ଯ୍ୟକ୍ରମ କୁ ସଫଳ କରିବାରେ ମୁଖ୍ୟ ଭୂମିକା ଗ୍ରହଣ କରିଥିଲେ | ପରିଶେଷରେ କୃତୀ ଛାତ୍ରଛାତ୍ରୀଙ୍କୁ ବିଚାରକ ମାନଙ୍କ ଦ୍ୱାରା ପୁରସ୍କୃତ କରାଯିବା ସହିତ କଲେଜ୍ ର ବିଜ୍ଞାନସମିତି ର ଛାତ୍ରଛାତ୍ରୀ ଙ୍କୁ ତାଙ୍କର ଏହି କାର୍ଯ୍ୟ ପାଇଁ ଆର୍ଯ୍ୟପୁତ୍ର ପାର୍ଥସାରଥୀ ଦାସ ଙ୍କ ଦ୍ୱାରା ଧନ୍ୟବାଦ ଅର୍ପଣ କରାଯିବା ସହିତ କାର୍ଯ୍ୟକ୍ରମ ର ପରିସମାପ୍ତି କରାଯାଇଥିଲା |
You May Also Like
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
ସାପର ଧମକ୍,ଦଂଶନ କରିବି
July 13, 2024
More From Author
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ଓଡ଼ିଶା ଆସୁଛି ୪୮ ହଜାର କ୍ଵିଣ୍ଟାଲ ଆଳୁ
August 21, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
+ There are no comments
Add yours