ଆଦାନୀ-ହିଣ୍ଡେନବର୍ଗ କମ୍ପାନି ରିପୋର୍ଟ ଉପରେ ଆଜି ସୁପ୍ରିମକୋର୍ଟରେ ହେବ ଶୁଣାଣି

ଶବ୍ଦମିଡ଼ିଆ ବ୍ୟୁରୋ:ଆଦାନୀ-ହିଣ୍ଡେନବର୍ଗ ମାମଲାରେ ଆଜି ସୁପ୍ରିମକୋର୍ଟରେ ଶୁଣାଣି । ଶୁକ୍ରବାର ନିବେଶକଙ୍କ କ୍ଷତିକୁ ନେଇ ଚିନ୍ତା ପ୍ରକଟ କରିଥିଲେ ସର୍ବୋଚ୍ଚ କୋର୍ଟ । ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଡି. ଓ୍ୱାଇ ଚନ୍ଦ୍ରଚୂଡ଼ଙ୍କେ ନେତୃତ୍ୱାଧୀନ ତିନି ଜଣିଆ ଖଣ୍ଡପୀଠ ଏହି ମାମଲାର ରାୟ ଶୁଣାଣି କରୁଛନ୍ତି ।

ହିଣ୍ଡେନବର୍ଗ କମ୍ପାନୀର ରିପୋର୍ଟ ଯୋଗୁଁ ସ୍ୱଳ୍ପ ସମୟ ମଧ୍ୟରେ ବଜାରରେ ଖରାପ ପ୍ରଭାବ ପଡିଛି ।ଲକ୍ଷ ଲକ୍ଷ କୋଟି ଟଙ୍କା ନିବେଶକଙ୍କର ବୁଡି ଯାଇଛି ବୋଲି ସୁପ୍ରିମକୋର୍ଟ କହିଛନ୍ତି । କେବଳ ଧନୀ ମାନେ ନୁହେଁ ମଧ୍ୟବିତ୍ତ ବର୍ଗର ଲୋକ ମଧ୍ୟ ସେୟାର ବଜାରରେ ନିବେଶ କରନ୍ତି । ହିଣ୍ଡେନବର୍ଗ ରିସର୍ଚ୍ଚ ରିପୋର୍ଟ ଆସିବା ପରେ ସେୟାର ବଜାରରେ ହ୍ରାସର କାରଣ ଏବଂ ସ୍ଥିତିରେ ସୁଧାର ଆଣିବା ପାଇଁ କ’ଣ ପଦକ୍ଷେପ ନିଆଯାଇଛି ତାହା ମଧ୍ୟ କୋର୍ଟ ଜାଣିବାକୁ ଚାହିଁଛନ୍ତି ।ଖଣ୍ଡପୀଠ ମାମଲାର ଶୁଣାଣିକୁ ଆଜିକୁ ଘୁଞ୍ଚାଇଦେଇଥିଲେ । ଏହି ପ୍ରସଙ୍ଗରେ ଅର୍ଥ ମନ୍ତ୍ରାଳୟ ଓ ସେବି ସହ ପରାମର୍ଶ କରିବାକୁ ସଲିସିଟର ଜେନେରାଲଙ୍କୁ କହିଛନ୍ତି । ଏଥିରେ ଜଣେ ପୂର୍ବତନ ବିଚାରପତି ମଧ୍ୟ ରହିବେ । ହିଣ୍ଡେନବର୍ଗ ରିସର୍ଚ୍ଚର ଏକ ରିପୋର୍ଟରେ ଆଦାନୀ ଗ୍ରୁପ୍ ସେୟାରରେ ହେରଫେର କରିଥିବା ନେଇ ଦାବି କରାଯାଇଥିଲା । କିନ୍ତୁ ଆଦାନୀ ଗ୍ରୁପ୍ ଏହି ଦାବିକୁ ପ୍ରତ୍ୟାଖ୍ୟାନ କରିଛି ।

You May Also Like

More From Author

+ There are no comments

Add yours