ବାଣପୁର ଓ ଚିଲିକା ବ୍ଲକର ସରକାରୀ ଯୋଜନାର ଅନୁଧ୍ୟାନ କଲେ ମହିଳା ଓ ଶିଶୁ ବିକାଶ ମୁଖ୍ୟ ସଚିବ

ବାଣପୁର: ମହିଳା ଓ ଓ ଶିଶୁ ବିକାଶ ବିଭାଗ ମୁଖ୍ୟ ସଚିବ ଶୋଭା ଶର୍ମା ଚିଲିକା ଓ ବାଣପୁର ବ୍ଲକର, ୫ଟି ସ୍କୁଲ, ଅଙ୍ଗନଓ୍ବାଡି କେନ୍ଦ୍ର,ସ୍ବୟଂ ସହାୟିକା ଗୋଷ୍ଠି ଓ ମତ୍ସ୍ୟ ବିଭାଗ ପରିଦର୍ଶନ କରିଛନ୍ତି।  ସରକାରଙ୍କ ବିଭିନ୍ନ ପ୍ରକଳ୍ପ କିଭଳି ଚାଲିଛି, ତଦାରଖ ପାଇଁ ବାଣପୁର ଓ ଚିଲିକା ବ୍ଲକରେ ପହଞ୍ଚି ଥିଲେ । ମହିଳାମାନଙ୍କ ଦିଆଯାଇଥିବା ସରକାରୀ ସହଯୋଗରେ ସ୍ୱୟଂ ସହାୟିକା ଗୋଷ୍ଠିଙ୍କ ସ୍ଥିତି ଓ କେତେ ପରିମାଣ ଉପକୃତ ହୋଇଛନ୍ତି ତାର ତଦାରଖ କରିବା କରିଥିଲେ । ଦିନ ୧୧ଟା ୧୦ମିନିଟରେ ପ୍ରଥମେ ବାଣପୁର ବ୍ଲକରେ ପହଞ୍ଚି ଥିଲେ। ବାଣପୁର ବ୍ଲକର ନାଚୁଣୀ ପଂଚାୟତରେ ରିଭ୍ୟୁ ପରେ ମୋରାମରୀ ପଂଚାୟତର ଅନ୍ନପୂର୍ଣା ମା ବାହୁତୀ ଓ ମା ପାଣ୍ଡବାଶୁଣୀ ସ୍ବୟଂ ସହାୟିକା ସଂଘ କର୍ମକର୍ତାଙ୍କ ସହ ଆଲୋଚନା କରିଥିଲେ । ସରକାରଙ୍କ ଦ୍ୱାରା ପ୍ରଦତ୍ତ ପ୍ରକଳ୍ପ ଓ ଅର୍ଥର କାର୍ଯ୍ୟକାରିତା ତଦାରଖ କରିବା ସହ ବାଣପୁର ବ୍ଲକର ମହାରଥା ଆକ୍ୟୁ ଫାର୍ମର ବିଭିନ୍ନ ସରକାରୀ ସହଯୋଗରେ ପରିଚାଳିତ ସଂସ୍ଥାର ବିସ୍ତାର ବିବରଣୀ ସଂଗ୍ରହ କରିଥିଲେ । ଚିଲିକା ବ୍ଲକ ବଡକୂଳ ହାଇସ୍କୁଲ, ସି ଡି ଏ ନକଟସ୍ଥ ସ୍ବୟଂ ସହାୟିକା ସରକାରୀ ସହଯୋଗରେ ଚାଲୁଥିବା ଶୁଖୂଆ ପ୍ୟାକେଜିଂ ସଂସ୍ଥା, ବାୟୋ ଫକ୍ସ ମତ୍ସ୍ୟସଂସ୍ଥା ବଉଳାବନ୍ଧ ମହିଳା ସ୍ବୟଂ ସହାୟିକା ଗୋଷ୍ଠି ଦ୍ବାରା ପ୍ରସ୍ତୁତ ହେଉଥିବା ବ୍ୟାଗ ପ୍ରକଳ୍ପ ଓ ବଉଳାବନ୍ଧ ଅଙ୍ଗନବାଡି କେନ୍ଦ୍ର ପରିଦର୍ଶନ କରୀ ସମସ୍ତ ବିବରଣୀ ସଂଗ୍ରହ କରିଥିଲେ।

 ମହିଳା ଓ ଶିଶୁବିକାଶର ମୁଖ୍ୟ ସଚିବଙ୍କ ସଙ୍ଗରେ ଜିଲ୍ଲାପାଳ କେ.ସୁଦର୍ଶନ ଚକ୍ରବର୍ତି, ବାଣପୁର ବ୍ଲକର ବିଡିଓ ଶ୍ରୀମତି ବୁଲବୁଲ୍ ବେହେରା, ଚିଲିକା ବ୍ଲକର ବି ଡିଓ ଜଗଦୀଶ ଷଡଙ୍ଗୀ, ଡିଏସଡବ୍ଲିଓ ଖୋର୍ଦ୍ଧା, ତଥା ଉଭୟ ବ୍ଲକର ବିଭାଗୀୟ ଅଧିକାରୀ ଉପସ୍ଥିତ ଥିଲେ।