ବଦଳିବ ମନ୍ତ୍ରିମଣ୍ଡଳ । ଦେଶର ଦାୟିତ୍ୱ ନେବେ ନୂଆ ମନ୍ତ୍ରୀ । ନନ୍ ପଫର୍ମିଙ୍ଗ ମନ୍ତ୍ରୀମାନଙ୍କୁ ମିଳିବ ଛୁଟି । ବିବାଦୀୟଙ୍କୁ ବିଦା କରାଯିବ । ଯୁବ ତଥା ଦାୟିତ୍ୱବାନଙ୍କୁ ମୁଖସ୍ରୋତରେ ସାମିଲ ହେବାର ସୁଯୋଗ । କାରଣ ଖୁବ ଶ୍ରଘ୍ର ହୋଇପାରେ ପ୍ରଧାନମନ୍ତ୍ରୀଙ୍କ ମନ୍ତ୍ରିମଣ୍ଡଳରେ ଏକ ବଡ଼ ଧରଣର ଅଦଳବଦଳ । ଯାହାକୁ ନେଇ ରାଜନୀତି ମହଲରେ ବଢିଛି ଉଷ୍ମତା । ଜାନୁଆରୀ ୧୪ରେ ପଡୁଛି ମକର ସଂକ୍ରାନ୍ତି । ଯେଉଁଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ମନ୍ତ୍ରିମଣ୍ଡଳରେ କରିପାରେ ଯୋଗ ବିୟୋଗର ପ୍ରକ୍ରିୟା । ତେବେ ଆସନ୍ତା ବର୍ଷ ୯ଟି ରାଜ୍ୟରେ ବିଧାନସଭା ନିର୍ବାଚନ ହେବାକୁ ଅଛି । ଯାହାକୁ ଦୃଷ୍ଟିରେ ରଖି ଏପରି ପରିବର୍ତନ କରାଯାଇପାରେ ବୋଲି ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି । ତେବେ ଅନ୍ୟପକ୍ଷେ ଦେଖିବାକୁ ଗଲେ ବଜେଟ ଅଧିବେଶନ ପୂର୍ବରୁ ଏହି ଅଦଳବଦଳ ପ୍ରକ୍ରିୟା ଶେଷ ହେବ । ଯେଉଁଥି ପାଇଁ ଦଳର ବରିଷ୍ଠ ନେତାମାନେ ରାଜ୍ୟ ନେତୃବୃନ୍ଦଙ୍କ ସହ ଆଲେଚନା କରିଥିବାର ସୂଚନା ରହିଛି । ସେପଟେ ଆହୁରି ମଧ୍ୟ ଚର୍ଚ୍ଚା ହେଉଛି ଯେ, ନିକଟରେ ହୋଇଥିଲା ଗୁଜୁରାଟ ନିର୍ବାଚନ । ଯେଉଁଥିରେ ଭଲ ପ୍ରଦର୍ଶନ କରିଥିବା ପ୍ରାର୍ଥୀଙ୍କର ଭାଗ୍ୟ ପରିବର୍ତନ ହୋଇପାରେ । ଅନ୍ୟ ପକ୍ଷେ ଛତିଶଗଡ ଓ ରାଜସ୍ଥାନର ନେତା ମନ୍ତ୍ରୀମାନଙ୍କୁ ଏଥିରେ ସୁଯୋଗ ମିଳିପାରେ । ତେବେ ଯଦି ଏହି ମନ୍ତ୍ରିମଣ୍ଡଳରେ ଯୋଗ ବିୟୋଗ ପ୍ରକ୍ରିୟା ଲାଗୁ ହୁଏ, ତେବେ ମୋଦିଙ୍କ କ୍ୟାବିନେଟରେ ଏହା ଦ୍ୱିତୀୟ ପରିବର୍ତନ ହେବ । ପ୍ରଥମ ଥର ପାଇଁ ଅଗଷ୍ଟ ୨୦୨୧ରେ ହୋଇଥିଲା ଏହି ପରିବର୍ତନ । ୧୨ ଜଣ ମନ୍ତ୍ରୀଙ୍କୁ ମିଳିଥିଲା ଛୁଟି । ତେଣୁ କ୍ୟାବିନେଟରେ କାହା ପଦବୀ ସ୍ଥିର ନୁହେଁ, ଏପରି କହିଲେ କିଛି ଭୁଲ ହେବନି । ଯେଉଁମାନେ ଲୋକଙ୍କ ପ୍ରତିନିଧ ସାଜି ସେମାନଙ୍କ ଦୁଃଖ ଦୂର କରିପାରିବେ, ସେମାନଙ୍କୁ ଦାୟିତ୍ୱ ମିଳିବା ଉଚିତ । ଯାହା କେଉଁଠି ନା କେଉଁଠି ଏହି ଚର୍ଚ୍ଚାର ବିଷୟରୁ ସ୍ପଷ୍ଟ ହେଉଛି । ଏହା ପଛରେ ଆଗାମୀ ନିର୍ବଚନ ଜିତିବାର ଋଣ-କୌଶଳ ମଧ୍ୟ ଲୁଚି ରହିଥାଇପାରେ । ତେବେ ବର୍ତମାନ ଏହି ପରିବର୍ତନ ପୁଣି ହୋଇପାରେ ବୋଲି ଚର୍ଚ୍ଚା ଜୋର ଧରୁଛି । କେବଳ ମନ୍ତ୍ରିମଣ୍ଡଳ ନୁହେଁ ସଂଗଠନରେ ମଧ୍ୟ ଏହି ନିୟମ ଲାଗୁ ହୋଇପାରେ । ଯାହା ଆଗାମୀ ୨୦୨୪ ନିର୍ବାଚନ ଉପରେ ମଧ୍ୟ ପ୍ରଭାବ ପକାଇବ ବୋଲି ମଧ୍ୟ ଚର୍ଚ୍ଚା ହେଉଛି ।
You May Also Like
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
ସାପର ଧମକ୍,ଦଂଶନ କରିବି
July 13, 2024
More From Author
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ଓଡ଼ିଶା ଆସୁଛି ୪୮ ହଜାର କ୍ଵିଣ୍ଟାଲ ଆଳୁ
August 21, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
+ There are no comments
Add yours