ସାଇପ୍ରସ ଗସ୍ତରେ ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର । ସାଇପ୍ରସ ଓ ଭାରତ କୂଟନୈତିକ ସମ୍ପର୍କର ୬୦ ତମ ବାର୍ଷିକୀ ପାଳନ କରୁଥିବା ବେଳେ ଜୟଶଙ୍କର ପ୍ରଥମ ଥର ପାଇଁ ସରକାରୀ ଗସ୍ତରେ ସାଇପ୍ରସ ଯାଇଛନ୍ତି । ଗସ୍ତ ସମୟରେ ସେ ସାଇପ୍ରସର ବୈଦେଶିକ ମନ୍ତ୍ରୀ କାସୌଲିଡ୍ସଙ୍କ ସହିତ ସାକ୍ଷାତ କରି ପ୍ରତିରକ୍ଷା ଓ ସାମରିକ ସହଯୋଗିତା ସଂକ୍ରାନ୍ତ ରାଜିନାମାରେ ସ୍ୱାକ୍ଷର କରିଛନ୍ତି । ଏହାଛଡା, ଦୁଇ ନେତା ବିଶ୍ୱ ଶାନ୍ତି, ସ୍ୱାଧୀନତା ଏବଂ ଗଣତନ୍ତ୍ର ସମ୍ପର୍କରେ ସେମାନଙ୍କ ମତବ୍ୟକ୍ତ କରିଛନ୍ତିି । ଏହି ଅବସରରେ ଭାରତୀୟ ବୈଦେଶିକ ବ୍ୟାପାର ମନ୍ତ୍ରୀ ଏସ୍. ଜୟଶଙ୍କର ଦେଇଥିବା ଉଦ୍ବୋଧନରେ ପାକିସ୍ତାନକୁ କଡା ସମାଲୋଚନା କରିବା ସହିତ ଚୀନ୍କୁ କଡା ଚେତାବନୀ ଦେଇଛନ୍ତିି । ଏଥି ସହିତ ଚୀନ ସହ ସୀମା ବାବଦ ପ୍ରସଙ୍ଗରେ ଏସ ଜୟଶଙ୍କର କହିଛନ୍ତିି ଯେ ଚୀନ୍ ସହ ଆମର ସମ୍ପର୍କ ସ୍ୱଭାବିକ ନୁହେଁ । କାରଣ ଆମେ ଏକପାଖିଆ ଭାବରେ ଲାଇନ ଅଫ୍ ଆକ୍ଟୁଆଲ କଂଟ୍ରୋଲ(ଏଲଏସି) ପରିବର୍ତନ କରିବା ପାଇଁ ଚେଷ୍ଟା କରିବୁ ନାହିଁ । ଅରୁଣାଚଳର ତାୱାଙ୍ଗ ସେକ୍ଟରରେ ଚୀନ୍ ଏବଂ ଭାରତୀୟ ସୌନିକଙ୍କ ମଧ୍ୟରେ ହୋଇଥିବା ସଂଘର୍ଷରେ ସେ କହିଛନ୍ତି ଯେ ଆମ ସୀମାରେ ଚ୍ୟାଲେଞ୍ଜ ରହିଛି । ଯାହା କୋଭିଡ ସମୟରେ ଆହୁରୀ ବୃଦ୍ଧି ପାଇଛି । ଆତଙ୍କବାଦ ଦ୍ୱାରା ଭାରତ ଅଧିକ ପ୍ରଭାବିତ ହୋଇଛି । ଆତଙ୍କବାଦ କାରଣରୁ ଭାରତ ଯେତିକି ଭୋଗିଛି , ଅନ୍ୟ କୌଣସି ଦେଶ ସେମିତି ଦୁର୍ଦ୍ଦଶା ଭୋଗିନାହିଁ । ଏଣୁ ଦେଶର ସୁରକ୍ଷା କ୍ଷେତ୍ରରେ କୌଣସି ବୁଝାମଣା କରାଯିବ ନାହିଁ । ସେ କହିଛନ୍ତି ଯେ ଆମେ ବହୁତ ସ୍ପଷ୍ଟ ଆତଙ୍କବାଦକୁ ଭାରତ କେବେ ଗ୍ରହଣ କରିବ ନାହିଁ । ଆମେ ପଡୋଶୀଙ୍କ ସହ ଭଲ ସମ୍ପର୍କ ରଖିବାକୁ ଚାହୁଁଛୁ । କିନ୍ତୁ ଭଲ ସମ୍ପର୍କର ଅର୍ଥ ନୁହେଁ ଯେ ଆମେ ଆତଙ୍କବାଦକୁ ଅଣଦେଖା କରିବୁ । ଆତଙ୍କବାଦକୁ ଅଣଦେଖା କରି ବା ଆତଙ୍କବାଦୀଙ୍କ ପାଇଁ ଆମେ ଆଲୋଚନା ଟେବୁଲକୁ ଯାଇ ପାରିବୁ ନାହିଁ । ଏହି ପ୍ରସଙ୍ଗରେ ଆମ ଆଭିମୁଖ୍ୟ ସ୍ପଷ୍ଟ ରହିଛି । ଭାରତ ମିଳିତ ଜାତିସଂଘ ସୁରକ୍ଷା ପରିଷଦର ଅଧକ୍ଷତା ହାସଲ କରିବା ଦିନଠାରୁ ପାକିସ୍ତାନ ଆତଙ୍କବାଦ ଉପରେ ଭାରତକୁ କୋଣ ଅନୁକୋଣରେ ଘେରିବାକୁ ଚେଷ୍ଟା କରୁଛି । ଏଥିପାଇଁ ଗତ କିଛିଦିନ ହେବ ପାକିସ୍ତାନ ସରକାରଙ୍କ ସମସ୍ତ ମନ୍ତ୍ରୀ ସାମ୍ବାଦିକ ସମ୍ମିଳନୀ କରି ଭାରତ ବିରୋଧରେ ବିବୃତି ଦେଉଥିବାର ନଜର ଆସିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ପାକିସ୍ତାନର ବୌଦେଶିକ ମନ୍ତ୍ରୀ ବିଲାୱାର ଜରଦାରୀ ଭୁଟ୍ଟୋ ଅଭଦ୍ର ଟିପ୍ପଣୀ ଦେଇ କହିଥିଲେ ଯେ, ମୁଁ ଭାରତକୁ କହିବାକୁ ଚାହୁଁଛି ଓସାମା ବିନ ଲାଡେନ ତ ମରିଯାଇଛି । ହେଲେ ଗୁଜୁରାଟର କଂସେି ଏବେବି ବଂଚିଛି, ଏବଂ ସିଏ ଭାରତର ପ୍ରଧାନମନ୍ତ୍ରୀ । ଏହାଛଡା ଜାରଦାରୀ ଭାରତ ସରକାରଙ୍କ ଆଦର୍ଶକୁ ହିଟଲରଙ୍କ ଦ୍ୱାରା ପ୍ରଭାବିତ ବୋଲି ବର୍ଣ୍ଣନା କରିଥିଲେ । ପାକିସ୍ତାନର ବୌଦେଶିକ ବ୍ୟାପାର ମନ୍ତ୍ରୀ ହିନା ରବାନୀ ଖାର ମଧ୍ୟ ଭାରତ ବିରୋଧରେ ମନ୍ତବ୍ୟ ଦେଇ କହିଥିଲେ ଯେ, ଭାରତୀୟ ଗୁପ୍ତଚର ସଂସ୍ଥା ‘ରଅ’ ଗତ ଦୁଇ ବର୍ଷ ମଧ୍ୟରେ ପାକିସ୍ତାନରେ ୧୨୦୦ ରୁ ଅଧିକ ଆତଙ୍କୀ ଆକ୍ରମଣ କରିଛି । ଭାରତ ଅପେକ୍ଷା କୌଣସି ଦେଶ ଆତଙ୍କବାଦ ବ୍ୟବହାର କରିନାହାଁନ୍ତି ବୋଲି କହିଛନ୍ତି ବୌଦେଶିକ ବ୍ୟାପାର ମନ୍ତ୍ରୀ । ସାଇପ୍ରସରେ ଭାରତୀୟ ବଂଶୋଭବ ମାନଙ୍କ ସହ କଥାବାର୍ତା କରୁଥିବା ବେଳେ ପାକିସ୍ତାନ ନାଁ ନନେଇ ଜୟଶଙ୍କର କହିଛନ୍ତି ଯେ, ଆମେ କେବେ ହେଲେ ଏହି ପ୍ରସଙ୍ଗକୁ ଛାଡିବୁ ନାହିଁ । ଆତଙ୍କବାଦ ଦ୍ୱାରା ଭାରତକୁ ଆଲୋଚନା ପାଇଁ ବାଧ୍ୟ କରିବା ଉଦ୍ୟମକୁ ଆମେ କେବେ ହେଲେ ଅନୁମତି ଦେଇପାରିବୁ ନାହିଁ ।
You May Also Like
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
ସାପର ଧମକ୍,ଦଂଶନ କରିବି
July 13, 2024
More From Author
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ଓଡ଼ିଶା ଆସୁଛି ୪୮ ହଜାର କ୍ଵିଣ୍ଟାଲ ଆଳୁ
August 21, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
+ There are no comments
Add yours