ସେନା ଅଫିସରଙ୍କ ମାଆଙ୍କ ପ୍ରତି ସମ୍ମାନ, ଅବସର ପୂର୍ବରୁ ଘରକୁ ଆସି କଲେ ଶେଷ ସାଲ୍ୟୁଟ୍ କଲା ପୁଅ
ମାଆ ଆଉ ପୁଅର ସମ୍ପର୍କ ଏକ ଅତୁଟ ବନ୍ଧନ । ମାଆ ସବୁବେଳେ ଚାହେଁ ପୁଅ ବହୁତ ଆଗକୁ ବଢୁ । ନିଜର ଜୀବନରେ ବହୁତ ଉନ୍ନତି କରୁ । ତେବେ ଏମିତି ଏକ ଭିଡିଓ ଦେଖିବାକୁ ମିଳିଛି ସୋସିଆଲ ମିଡିଆରେ ଯାହା ସମସ୍ତଙ୍କ ପାଇଁ ଗୋଟିଏ ନିଆରା ଉଦାହରଣ ସୃଷ୍ଟି କରିଛି । ଏହି ଭିଡିଓରେ ଜଣେ ସେନାର ଅଧିକାରୀ ଅବସର ପୂର୍ବରୁ ଶେଷ ଥର ପାଇଁ ମାଆଙ୍କୁ ସାଲ୍ୟୁଟ୍ କରିଛନ୍ତି । ଅନେକ ୟୁଜର୍ସ ଏହାକୁ ଦେଖି ଭାବବିହ୍ୱଳ ହୋଇଛନ୍ତି ।
ସେବାରୁ ଅବସର ନେବା ପ୍ରତ୍ୟେକ ବ୍ୟକ୍ତିଙ୍କ ପାଇଁ ବହୁତ ଖାସ ହୋଇଥାଏ । ଆଉ ଏହି ମୂହୁର୍ତ୍ତ ସମସ୍ତଙ୍କ ପାଇଁ ଭାବବିହ୍ୱଳ କରିଦେବା ଭଳି । ତେବେ ସେନାର ଜଣେ ଅଧିକାରୀ ଶେଷ ଥର ପାଇଁ ବର୍ଦ୍ଦି ପିନ୍ଧି ମାଆଙ୍କୁ ସଲାମୀ ଦେଇଛନ୍ତି । ଏହି ଭିଡିଓଟି ମେଜର ଜେନେରାଲ ରଞ୍ଜନ ମହାଜନଙ୍କର । ନିଜ ସୋସିଆଲ ମିଡିଆ ଆକାଉଣ୍ଟରେ ଭିଡିଓ ପୋଷ୍ଟ କରି ନିଜର କଥାକୁ ରଖିଛନ୍ତି । ମେଜର ଜେନେରାଲ ରଞ୍ଜନ ପ୍ରଥମେ ଘରେ ପହଞ୍ଚି ଘରର ଘଣ୍ଟି ବଜାଇବା ସହ ଘରେ ପ୍ରବେଶ କରୁଛନ୍ତି ଏବଂ ମାଆଙ୍କ ପାଖକୁ ଯାଇ ତାଙ୍କୁ ସାଲ୍ୟୁଟ କରୁଛନ୍ତି । ମାଆ ମଧ୍ୟ ଏହା ଦେଖି ବେସ ଖୁସି ହୋଇଯାଉଛନ୍ତି । ଏହି କିଛି ମୁହୂର୍ତ୍ତ ହିଁ ଅନେକ କଥା କହୁଛି । ମାଆ ପୁଅ ପରସ୍ପରକୁ କୋଳାଗ୍ରତ କରୁଛନ୍ତି । ଦେଶ ସେବାରେ ଥିବା ପୁଅ ଯେତେବଳେ ଅବସର ନେଉଛି ତାହା ମାଆ ପାଇଁ ମଧ୍ୟ ଗର୍ବର ବିଷୟ ।
ସୋସିଆଲ ମିଡିଆରେ ଏହି ଭିଡିଓକୁ ବର୍ତ୍ତମାନ ସୁଦ୍ଧା ୫ ଲକ୍ଷରୁ ଅଧିକ ଭ୍ୟୁ ମିଳିସାରିଛି । ପାଖାପାଖି ୪୩ହଜାର ଲୋକ ଏହାକୁ ଲାଇକ ମଧ୍ୟ କରିଛନ୍ତି । ଅନେକ ଜଣ ମଧ୍ୟ ସେମାନଙ୍କ ମାଆଙ୍କ ପ୍ରତି ଥିବା ଭାବନାକୁ ଭିଡିଓରେ କମେଣ୍ଟ ମାଧ୍ୟମରେ ଜଣାଉଥିବା ନଜର ଆସିଛି । ଜଣେ ୟୁଜର୍ସ ମଧ୍ୟ ଏହା ଲେଖିଛନ୍ତି ଯେ ଆପଣଙ୍କ ବର୍ଦ୍ଦିରେ ପ୍ରଥମ ଷ୍ଟାର ମାଆ ଲଗାଇଥିଲେ ଆଉ ଶେଷ ସାଲ୍ୟୁଟ ବି ମାଆଙ୍କୁ ମିଳିଛି, ଆପଣ ବହୁତ ଭାଗ୍ୟଶାଳୀ ।
ବାଂଲାଦେଶ ହାତରୁ ମ୍ୟାଚ ଛଡାଇଆଣିଲେ ଅଶ୍ୱିନୀ, ମୀରପୁର ଟେଷ୍ଟରେ ଭାରତ ୩ ୱିକେଟରେ ବିଜୟୀ
ବାଂଲାଦେଶ ବିରୋଧରେ ଭାରତ ମୀରପୁର ଟେଷ୍ଟରେ ୩ ୱିକେଟରେ ବିଜୟୀ ହୋଇଛି । ରବିବାର ଭାରତ ଏହି ମ୍ୟାଚ ସହ ବାଂଲାଦେଶ ବିରୋଧରେ ଟେଷ୍ଟ ସିରିଜରେ ବିଜୟୀ ହୋଇଛି । ଗୋଟିଏ ସମୟ ଏହିଭଳି ଥିଲା ଯେତେବଳେ ଭାରତ ହାତରୁ ମ୍ୟାଚ ଏକପ୍ରକାର ଖସିଯାଉଥିଲା । ଭାରତ ଉପରେ ପରାଜୟର ବିପଦ ଘନେଇଥିଲା । ତେବେ ଅଲରାଉଣ୍ଡର ରବିଚନ୍ଦ୍ରନ ଅଶ୍ୱିନଙ୍କ ଦମଦାର ବ୍ୟାଟିଂ ବଳରେ ଭାରତ ବିଜୟ ହାସଲ କରିନେଇଥିଲା ।
ବାଂଲାଦେଶ ଭାରତକୁ ୧୪୫ ରନର ଲକ୍ଷ୍ୟ ଦେଇଥିଲା । ତେବେ ଶନିବାର ଭାରତ ୪୫ ରନରେ ୪ଟି ୱିକେଟ ହରାଇଥିଲା । ଚତୁର୍ଥ ଦିନରେ ହାତ ଆଉ ୬ଟି ୱିକେଟ ଥାଇ ୧୦୦ ରନ ଆବଶ୍ୟକ କରୁଥିଲା । ଏହା ପରେ ମଧ୍ୟ ଭାରତର ସ୍ଥିତି ସଙ୍ଗୀନ ରହିଥିଲା । ଦଳ ୭୪ ରନରେ ୭ ୱିକେଟ ହରାଇ ସଙ୍କଟରେ ପଡିଯାଇଥିଲା । ଏହି ସମୟରେ ଦଳ ପାଇଁ ମଙ୍ଗ ଧରିଥିଲେ ଶ୍ରେୟସ ଆୟାର ଏବଂ ରବିଚନ୍ଦ୍ରନ ଅଶ୍ୱିନ । ଅଶ୍ୱିନ ୬୨ ବଲରେ ୪୨ ରନ କରିଥିବା ବେଳେ ଉଭୟଙ୍କ ମଧ୍ୟରେ ୭୧ ରନର ଭାଗିଦାରୀ ହୋଇଥିଲା । ଏହାରି ବଳରେ ଭାରତ ଦମଦାର ବିଜୟ ହାସଲ କରିଛି ।
ଗୋଟିଏ ଝଟକାରେ ବଦଳିଲା ଭାଗ୍ୟ । ଡ୍ରାଇଭରରୁ ୩୩ କୋଟିର ମାଲିକ ହୋଇଗଲେ ଭାରତୀୟ ବଂଶୋଦ୍ଭବ ।
କୁହାଯାଏ ଭାଗ୍ୟ ବଦଳିବାକୁ ମାତ୍ର ଗୋଟିଏ ମୁହୂର୍ତ୍ତ ଦରକାର । ଆଉ କିଛି ଏଭଳି ଘଟିଛି ଭାରତୀୟ ବଂଶୋଦ୍ଭବ ଡ୍ରାଇଭର ଅଜୟ ଓଗୁଲାଙ୍କ ସହ । ଦୁବାଇରେ ରହୁଥିବା ୩୧ ବର୍ଷୀୟ ଅଜୟ ରାତାରାତି କୋଟିପତି ହୋଇଯାଇଛନ୍ତି । ସେ ଏମିରେଟ୍ସ ଲକି ଡ୍ରରେ ୩୩ କୋଟିର ପୁରସ୍କାର ଜିତିଛନ୍ତି ।
ଏତେ ଟଙ୍କା ଜିତିବା ପରେ ଅଜୟ କହିଛନ୍ତି, ମୋତ ଏବେ ମଧ୍ୟ ବିଶ୍ୱାସ ହେଉନାହିଁ ମୁଁ ଜ୍ୟାକପଟ ଜିତିଯାଇଛି । ସେ କହିଛନ୍ତି ଏହି ଟଙ୍କାରେ ମୁଁ ଗୋଟିଏ ଅନାଥ ଆଶ୍ରମ କରିବି । ଏହା କରିବା ଦ୍ୱାରା ଲୋକଙ୍କୁ ମୌଳିକ ସୁବିଧା ସୁଯୋଗ ମିଳିପାରିବ ।
ମୂଳତଃ ଦକ୍ଷିଣ ଭାରତରୁ ଆସୁଥିବା ଅଜୟ ଓଗୁଲା ୪ ବର୍ଷ ପୂର୍ବରୁ ଚାକିରୀ ଅନ୍ୱେଷଣରେ ୟୁଏଇ ଯାଇଥିଲେ । ବର୍ତ୍ତମାନ ଅଜୟ ଏକ ଜ୍ୱେଲେରୀ ଫାର୍ମରେ ଡ୍ରାଇଭର ଭାବେ କାମକରୁଛନ୍ତି । ସେ ପ୍ରତ୍ୟେକ ମାସରେ ୩ ହଜାର ୨ ଶହ ଦିରାମ ଅର୍ଥାତ ୭୨ ହଜାର ଟଙ୍କା ରୋଜଗାର କରୁଛନ୍ତି । ତେବେ ସେ ବର୍ତ୍ତମାନ ଜ୍ୟାକପଟ ଜିତି କୋଟି ପତି ହୋଇଯାଇଛନ୍ତି ।
ଅଜୟ କହିଛନ୍ତି ଯେତେବେଳେ ମୁଁ ଭାରତରେ ଥିବା ପରିବାରକୁ କୋଟିପତି ହେବାର ଖବର ଦେଇଥିଲି ସେତେବେଳେ ମୋ ମାଆ, ଭାଇ, ଭଉଣୀ ବିଶ୍ୱାସ କରିପାରିନଥିଲେ । ତେବେ ପରେ ଗଣମାଧ୍ୟମରେ ଏହି ଖବର ପ୍ରସାରଣ ହେବା ପରେ ତାଙ୍କୁ ବିଶ୍ୱାସ ହୋଇଯାଇଥିଲା ।
ପ୍ରଥମେ ଅଜୟ ଲଟେରୀ ଟିକଟ କିଣିଥିଲେ । ସେ ଏହାକୁ ଡ୍ର କରିଥିଲେ । ତେବେ ତାଙ୍କୁ ବିଶ୍ୱାସ ହୋଇନଥିଲା ଯେ ସେ ଏହି ଲଟେରୀ ଜିତିଯାଇଛନ୍ତି । ତାଙ୍କୁ ପୁରସ୍କାର ଭାବେ ୧୫ ମିଲିୟନ ଦିରାମ ବା ୩୩ କୋଟି ୭୦ ଲକ୍ଷରୁ ଅଧିକ ଟଙ୍କା ଲଟେରୀ ଭାବେ ମିଳିଛି । ଏହା ଶୁଣିବା ପରେ ସେ ବିଶ୍ୱାସ କରିପାରିନଥିଲେ । ଜଣେ ଡ୍ରାଇଭରରୁ ସେ କୋଟିପତି ହୋଇପାରିଛନ୍ତି ।
+ There are no comments
Add yours