ଗୋଟିଏ ମଣ୍ଡପରେ ଦୁଇ ଭଉଣୀଙ୍କ ବାହାଘର । ଦୁହେଁ ଅଲଗା ଅଲଗା ନୁହେଁ, ଜଣଙ୍କୁ ବାଛିଛନ୍ତି ନିଜ ଜୀବନ ସାଥି । ଆମେ ଆଜି ଆପଣଙ୍କୁ କହିବୁ ଏକ ବିଚିତ୍ର ବିବାହ ବିଷୟରେ ।୨ଜଣ ଝିଅକୁ ବିବାହ କରିଛନ୍ତି ଜଣେ ଯୁବକ । ମହାରାଷ୍ଟ୍ରର ସୋଲାପୁରରୁ ଏହି ବିବାହର ଏକ ଭିଡିଓ ଭାଇରାଲ ହୋଇଛି । ବିବାହ କରିଥିବା୨ଝିଅ ହେଉଛନ୍ତି ଯାଆଁଳା ଭଉଣୀ । ସେମାନେ ଜଣେ ଯୁବକଙ୍କୁ ପସନ୍ଦ କରି ଜବୀନସାଥୀ ଭାବେ ବାଛି ବିବାହ କରିଛନ୍ତି । ଆଇଟି ଇଞ୍ଜିନିୟର ଯାଆଁଳା ଭଉଣୀଙ୍କ ଗତ ଶୁକ୍ରବାର ଦିନ ବିବାହ ହୋଇଛି । ଏଭଳି ବିବାହକୁ ନେଇ ଚର୍ଚ୍ଚା ଏବେ ଜୋର ଧରିଛି । ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି ବିବାହରେ ଉଭୟ ବର ଓ କନ୍ୟାଙ୍କ ପରିବାର ଲୋକ ବେଶ ଖୁସିଅଛନ୍ତି । ସୋସିଆଲ ମିଡିଆରେ ଏହି ବିବାହ ଭିଡିଓ ଭାଇରାଲ ହେବାରେ ଲାଗିଛି । ତେବେ ସେ ଦୁଇ ଭଉଣୀ ହେଉଛନ୍ତି ପିଙ୍କି ଓ ରିଙ୍କି । ସେମାନେ ଦୁହେଁ ଆଇଟି ଇଂଜିନିୟର ଅଟନ୍ତି । ମୁମ୍ବାଇରେ ରହି ଦୁଇଭଉଣୀ କାମ କରୁଛନ୍ତି । ଦୁଇ ଯାଆଁଳା ଭଉଣୀ ଅତୁଲ ନାମକ ଯୁବକକୁ ବିବାହ କରିବାକୁ ସ୍ଥିର କରିଥିଲେ । ଦୁହେଁ ପିଲାଟି ଦିନରୁ ଏକାଠି ମିଶି ରହି ଆସୁଥିବା ବେଳେ ବିବାହ ପରେ ମଧ୍ୟ ଏକାଠି ରହିବାକୁ ସ୍ଥିର କରିଥିଲେ । ଠିକ ଏତି କି ସମୟରେ ଉଭୟଙ୍କ ଜୀବନରେ ଅତୁଲ ନାମକ ଜଣେ ପୁରୁଷ ଆସିଥିଲେ । ଅତୁଲ ମହାରାଷ୍ଟ୍ରର ମାଲସିରାସ ତାଲୁକାର ବାସିନ୍ଦା । ଅତୁଲଙ୍କ ମୁମ୍ବାଇରେ ଟ୍ରାଭେଲ ଏଜେନ୍ସି ରହିଛି । ତେବେ ରିଙ୍କି ଓ ପିଙ୍କି ଙ୍କ ବାପାଙ୍କ ଦେହାନ୍ତ ପରେ ସେମାନେ ତାଙ୍କ ମାଆଙ୍କ ସହିତ ରହୁଥିଲେ । ତାଙ୍କ ମାଆଙ୍କ ଦେହ ଅସୁସ୍ଥ ହୋଇଥିବା ସମୟରେ ସେମାନେ ଅତୁଲଙ୍କ କାର ଭଡାରେ ନେଇଥିଲେ । ଏହି ସମୟରେ ଅତୁଲଙ୍କ ସଂସ୍ପର୍ଶରେ ଦୁଇ ଭଉଣୀ ଆସିଥିଲେ । କିଛିଦିନର କଥାବାର୍ତା ମିଳାମିଶି ପରେ ପିଙ୍କି ଓ ରିଙ୍କି ଅତୁଲଙ୍କୁ ବିବାହ କରିବାକୁ ସ୍ଥିର କରିଥିଲେ । ଏହାପରେ ଅତୁଲ ପିଙ୍କି ଓ ରିଙ୍କିଙ୍କୁ ବିବାହ କରିବାକୁ ଚାହୁଁଛନ୍ତି ବୋଲି ଘରେ କଥା ପକାଇଥିଲେ । ଅତୁଲଙ୍କ ପରିବାର ଲୋକ ଯାଆଳା ଝିଅଙ୍କ ମାଙ୍କ ସହିତ କଥା ହୋଇ ବିବାହ ପାଇଁ ପ୍ରସ୍ତୁତି ଆରମ୍ଭ କରିଥିଲେ ।ବିବାହକୁ ନେଇ ୩ଜଣ ବେଶ ଖୁସି ଥିବା ଫଟୋରୁ ଜଣା ପଡୁଛି । ଏଭଳି ବିଚିତ୍ର ବିବାହ ଖବର ଜଣାପଡିବା ପରେ ସ୍ଥାନୀୟ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲେ । ଯାଆଁଳା ଶିଶୁଙ୍କ ଅଜବ ଚାହିଦାକୁ ନେଇ ସେମାନଙ୍କ ପରିବାର ସହମତି ପ୍ରକାଶ କରିଛନ୍ତି ବୋଲି ଅଧିକାରୀମାନେ କହିଛନ୍ତି । ଶୁକ୍ରବାର ଦିନ ମାଲସିରାସ ତହସିଲରେ ଆୟୋଜିତ ହୋଇଥିଲା ଏହି ବିବାହ ଉତ୍ସବ । ଭିଡିଓ ଦେଖି ଅକଲୁଜ ପୋଲିସ ଷ୍ଟେସନରେ ବର ବିରୋଧରେ ଭାରତୀୟ ପେନାଲ କୋଡ ଧାରା୪୯୪ ଅନୁଯାୟୀ ଏକ ଅଜ୍ଞାତ ଅପରାଧ ମାମଲା ପଞ୍ଜୀକୃତ ହୋଇଥିବା ଜଣେ ଅଧିକାରୀ କହିଛନ୍ତି ।ପ୍ରମାଣ ଆଧାରରେ ଏ ସମ୍ପର୍କରେ ଥାନାରେ ଅଭିଯୋଗ ହୋଇଛି ।ପୋଲିସ ଅଭିଯୋଗରେ ଦର୍ଶଯାଇଛି ଯେ ଅତୁଲ ଶୁକ୍ରବାର ରାତି ପ୍ରାୟ ୧୨.୩୦ ସମୟରେ ପ୍ରଥମେ ରିଙ୍କିଙ୍କୁ ବିବାହ କରିଥିଲେ ପରେ ଗାଲାଣ୍ଡେ ହୋଟେଲରେ ରିଙ୍କିକୁ ବିବାହ କରିଥିଲେ । ଜଣେ ବ୍ୟକ୍ତି ଗୋଟିଏ ଥରରେ କେବଳ ଜଣେ ମହିଳାଙ୍କୁ ବିବାହ କରିପାରିବ । ତେବେ ୨ଟି ବିବାହ ଆଇନ ଗତ ନୁହେଁ । ପ୍ରଥମ ସ୍ତ୍ରୀ ଜୀବିତ ଥିବାବେଳେ ହିନ୍ଦୁ ବିବାହ ଆଇନରେ ଦ୍ୱିତୀୟ ବିବାହକୁ ବାରଣ ରହିଛି । ବିବାହ ନିୟମ ଅନୁଯାୟୀ ଯାଂଚ କରିବାକୁ ପଡିବ । କିନ୍ତୁ ଏହି ପ୍ରକାର ବିବାହ ଉପରେ ଆପତି ପ୍ରଥମ ସ୍ତ୍ରୀଠାରୁ ଆସିବାକୁ ପଡିବ । ବିବାହ ସମ୍ବନ୍ଧୀୟ ରୀତିନୀତି ହୋଇଛି କି ନାହିଁ ତାହା ପ୍ରଥମେ ଜାଣିବା ଆବଶ୍ୟକ ବୋଲି ବିଶିଷ୍ଟ ଓକିଲ କହିଛନ୍ତି ।
You May Also Like
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
ସାପର ଧମକ୍,ଦଂଶନ କରିବି
July 13, 2024
More From Author
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ଓଡ଼ିଶା ଆସୁଛି ୪୮ ହଜାର କ୍ଵିଣ୍ଟାଲ ଆଳୁ
August 21, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
+ There are no comments
Add yours