ଦାମନଯୋଡ଼ି : ଭୁବନେଶ୍ୱର ଶଦ୍ଦ ମିଡିଆ ପ୍ରାଇଭେଟ ଲିମିଟେଡ୍ ଓ ଶବ୍ଦ ଓଡ଼ିଶା ନ୍ୟୁଜ ୱ୍ୱେବ ପୋର୍ଟାଲ ତରଫରୁ ସମାଜସେବୀ ଡକ୍ଟର ସୁରେନ୍ଦ୍ର କହଁରଙ୍କୁ ସମ୍ମାନ ପତ୍ର ସହ ସମ୍ମାନିତ କରାଯାଇଛି । ଶବ୍ଦ ମିଡିଆର ନିର୍ଦ୍ଦେଶିକା ସୁଶ୍ରୀ ସୁଚରିତା ଦାଶ ତାଙ୍କୁ ଉପଢୌକନ ସହ ମାନପତ୍ର ପ୍ରଦାନ କରିଛନ୍ତି । ଶ୍ରୀଯୁକ୍ତ କହଁର ଭାରତ ସରକାରଙ୍କ ଅଧୀନରେ ଥିବା ଦାମନଯୋଡି ନାଲକୋରେ ବୈଷୟିକ କର୍ମଚାରୀ ଭାବେ କାମ କରୁଛନ୍ତି । ଦାମନଯୋଡିରେ ଜଣେ ସାଂସ୍କୃତିକ ସଙ୍ଗଠକ ଭାବରେ ଏକାଧିକ କାର୍ଯ୍ୟକ୍ରମ ପ୍ରସ୍ତୁତ କରି ସେ ସମସ୍ତଙ୍କ ଦୃଷ୍ଟି ଆକର୍ଷଣ କରିପାରିଛନ୍ତି । ଏହା ସହ ରାଷ୍ଟ୍ରଦୀପ ପ୍ରଚାର ସମିତିର ଜଣେ ବଳିଷ୍ଠ ଓ ବରିଷ୍ଠ ସଦସ୍ୟ ଭାବରେ ବୃକ୍ଷରୋପଣ,ରକ୍ତଦାନ ଶିବିର ଆୟୋଜନ ଓ ଆର୍ଥିକ ଅନଗ୍ରସର ଛାତ୍ରଛାତ୍ରୀ ମାନଙ୍କୁ ଶିକ୍ଷା ଗ୍ରହଣ କ୍ଷେତ୍ରରେ ସହଯୋଗ ପ୍ରଦାନ ଭଳି ମହତ କାର୍ଯ୍ୟ ହାତକୁ ନେଇ ସମାଜସେବା କ୍ଷେତ୍ରରେ ସୁନାମ ଅର୍ଜନ କରିଛନ୍ତି । ଡକ୍ଟର ସୁରେନ୍ଦ୍ର କହଁର ନିଜର ସାରସ୍ୱତ ସାହିତ୍ୟ ସାଧନା ପାଇଁ ଓଡିଶାର ଅନେକ ସାହିତ୍ୟ,ସଂସ୍କୃତି ଅନୁଷ୍ଠାନ ଦ୍ୱାରା ମଧ୍ୟ ସମ୍ମାନିତ ହୋଇଛନ୍ତି । ଡକ୍ଟର କହଁରଙ୍କ ସାମଗ୍ରିକ ସାହିତ୍ୟ କୃତି ,ସମାଜ ସେବା ଓ ବିଭିନ୍ନ ସାଂସ୍କୃତିକ ସଙ୍ଗଠନର କାର୍ଯ୍ୟକଳାପକୁ ସମ୍ମାନ ଜଣାଇ ଶବ୍ଦ ମିଡିଆ ଅନୁଷ୍ଠାନ ତରଫରୁ ଏହି ସମ୍ମାନ ପ୍ରଦାନ କରାଯାଇଥିବା କହିଛନ୍ତି ଶବ୍ଦ ମିଡିଆର ନିର୍ଦ୍ଦେଶିକା ସୁଶ୍ରୀ ସୁଚରିତା ଦାଶ । ଏହି ସମ୍ମାନ ଡକ୍ଟର କହଁରଙ୍କୁ ସମାଜ ପାଇଁ ଅନେକ ସେବା କରିବାର ପ୍ରେରଣା ଯୋଗାଇବ ।
You May Also Like
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
ସାପର ଧମକ୍,ଦଂଶନ କରିବି
July 13, 2024
More From Author
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ଓଡ଼ିଶା ଆସୁଛି ୪୮ ହଜାର କ୍ଵିଣ୍ଟାଲ ଆଳୁ
August 21, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
+ There are no comments
Add yours