କ୍ରିକେଟ ତାରକାଙ୍କ ମଧ୍ୟରେ ତୁ ତୁ ମେଁ ମେଁ କିଛି ନୂଆ କଥା ନୁହେଁ। ଏହି କଥାର ଆଉ ଏକ ଉଦାହରଣ ହେଉଛି କ୍ରିକେଟ ତାରକା ଦିନେଶ କାର୍ତ୍ତିକ ଓ ରବି ଶାସ୍ତ୍ରୀଙ୍କର। ଦିନେଶ କାର୍ତ୍ତିକ ପ୍ରକାଶ କରିଛନ୍ତି ଯେ ଭାରତର ପୂର୍ବତନ ପୁରୁଷ କ୍ରିକେଟ୍ ଦଳର ପ୍ରଶିକ୍ଷକ ରବି ଶାସ୍ତ୍ରୀ ତାଙ୍କ କାର୍ଯ୍ୟକାଳ ମଧ୍ୟରେ ତାଙ୍କ ଖେଳାଳିଙ୍କ ବିଷୟରେ ଦୁଇଟି ଜିନିଷକୁ ପ୍ରଶଂସା କରୁନାହାଁନ୍ତି।
ଅବଶ୍ଯ ଭାରତୀୟ ଦଳର କୋଚ୍ ଭାବରେ ଶାସ୍ତ୍ରୀଙ୍କ ସମୟ ଅନେକ ସଫଳତା ଆଣିଥିଲା। କାରଣ ଭାରତ ଅଷ୍ଟ୍ରେଲିଆରେ ବ୍ୟାକ୍ ଟୁ ବ୍ୟାକ୍ ଟେଷ୍ଟ ସିରିଜ୍ ଜିତିଥିଲା। ଏବଂ ପ୍ରଥମ ଟେଷ୍ଟ ଚାମ୍ପିଅନସିପ୍ ଫାଇନାଲରେ ମଧ୍ୟ ପ୍ରବେଶ କରିଥିଲେ। ପ୍ରଶିକ୍ଷକ ଥିବା ସମୟରେ ସେ ଦଳ ପାଇଁ ଏକ ନୂତନ ମନୋଭାବ ପୋଷଣ କରିଥିଲେ। କିନ୍ତୁ ଗଣମାଧ୍ଯମ ସହ କଥା ହୋଇ କାର୍ତ୍ତିକ କହିଛନ୍ତି ଯେ ଖେଳାଳିଙ୍କ ପାଇଁ ଶାସ୍ତ୍ରୀଙ୍କର ବହୁତ କମ୍ ସହନଶୀଳତା ଅଛି। କୌଣସି ଖେଳାଳି ନେଟ୍ ରେ ପ୍ରାକ୍ଟିସ କରିବା ବେଳେ ଯଦି ଏକ ନିର୍ଦ୍ଦିଷ୍ଟ ବେଗରେ ବ୍ୟାଟିଂ କରେ, ଯାହା କୋଚଙ୍କୁ ପସନ୍ଦ ଆସେନି, ତେବେ ସେ ତାଙ୍କ ସହନଶୀଳତା ହରେଇଦିଅନ୍ତି। ଏହା ଛଡ଼ା ପ୍ରଶଂସାକୁ ପସନ୍ଦ କରନ୍ତି ନାହିଁ । ସେ ସର୍ବଦା ଲୋକଙ୍କୁ ବହୁତ ଭଲ କାମ କରିବାକୁ ପ୍ରେରିତ କରୁଥିଲେ ବୋଲି କାର୍ତ୍ତିକ କହିଛନ୍ତି।
ଭାରତୀୟ ୱିକେଟ୍ କିପର-ବ୍ୟାଟ୍ସମ୍ଯାନ କାର୍ତ୍ତିକ ରବି ଶାସ୍ତ୍ରୀଙ୍କର କ୍ରିକେଟ ଜୀବନୀକୁ ସମ୍ମାନ ଦେଇ ଆହୁରି କହିଛନ୍ତି ଯେ, ଶାସ୍ତ୍ରୀ ଜଣେ ପ୍ରଶିକ୍ଷକ ଭାବରେ ତାଙ୍କ ପ୍ରତିଭା ପୂରଣ କରିଛନ୍ତି ଏବଂ ଯାହା ଆଶା କରାଯାଉଥିଲା ତାହାଠାରୁ ବହୁତ ଭଲ କରିଛନ୍ତି। ପୂର୍ବତନ କୋଚ୍ ଜୀବନ ଅପେକ୍ଷା ଜଣେ ବଡ ବ୍ୟକ୍ତି ଥିଲେ । କୋଚ୍ ଭୂମିକାରେ ଲକ୍ଷ୍ଯ ହାସଲ କରିବାକୁ ଖେଳାଳୀଙ୍କୁ ସର୍ବଦା ଉତ୍ସାହିତ କରୁଥିଲେ। ଆଗକୁ ବଢିବାର ପ୍ରେରଣା ଦେଉଥିଲେ।