ଲଣ୍ଡନ,୧୧ା୧୧: ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ଏବଂ ତାଙ୍କ ସ୍ତ୍ରୀ ଅକ୍ଷତା ମୂର୍ତ୍ତି ୧୦ ଡାଉନିଂ ଷ୍ଟ୍ରିଟ୍ରେ ଏକ ଦୀପାବଳି ପାର୍ଟିର ଆୟୋଜନ କରିଥିଲେ। ଏହି ପାର୍ଟିରେ ଭାରତର ବହୁ ପ୍ରସିଦ୍ଧ ବ୍ୟକ୍ତିବିଶେଷ ଯୋଗ ଦେଇଥିଲେ। ଏଥିରେ ବଲିଉଡ୍ ଅଭିନେତା ଅକ୍ଷୟ କୁମାର, ଟ୍ବିଙ୍କିଲ ଖାନ୍ନା, ପ୍ରୀତି ଜିଣ୍ଟା ଏବଂ ଅନ୍ୟାନ୍ୟ ସେଲିବ୍ରିଟି ମଧ୍ୟ ଯୋଗ ଦେଇଥିଲେ। ଦୀପାବଳି ପାଇଁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ବାସଭବନକୁ ଫୁଲ ଏବଂ ଆଲୋକରେ ସଜାଯାଇଛି। ଏଥିସହ ସୁନକ ଦାୟିତ୍ୱ ଗ୍ରହଣ କରିବାର ଏକ ବର୍ଷ ପୂରଣ ହୋଇଛି। ସେଥିପାଇଁ ଏଥି ଦୀପାବଳିର ଉତ୍ସବ ଟିକେ ନିଆରା ହୋଇଛି।
ଏହି ଅବସରରେ ସେ ଦେଶବାସୀଙ୍କୁ ଦୀପାବଳିର ଶୁଭେଚ୍ଛା ଜଣାଇଛନ୍ତି। ସେ କହିଛନ୍ତି, ଦୀପାବଳି ପର୍ବ ଆସନ୍ତାକାଲି ଏକ ଉଜ୍ଜ୍ୱଳ ପ୍ରତିନିଧିତ୍ୱ କରେ ଯେପରି ଅନ୍ଧାର ଉପରେ ଆଲୋକର ବିଜୟ। ସେ କହିଛନ୍ତି, ପ୍ରଥମେ ବ୍ରିଟେନ ଏସୀୟ ପ୍ରଧାନମନ୍ତ୍ରୀ ତଥା ଜଣେ ଦୃଢ଼ ହିନ୍ଦୁ ଭାବରେ ମୁଁ ଆଶା କରୁଛି ଯେ ଦୀପାବଳି ପର୍ବ ହେଉଛି ଜାତି ଓ ସାଂସ୍କୃତିକ ବିବିଧତାର ପର୍ବ, ଯାହା ବ୍ରିଟେନକୁ ସ୍ବତନ୍ତ୍ର କରିଥାଏ।