ନେତାଜୀ ବସ୍‌ ଟର୍ମିନାଲକୁ ନେଇ ବିବାଦ

ଶବ୍ଦ ଓଡିଶା ବ୍ୟୁରୋ: କଟକର ନେତାଜୀ ବସ୍‌ ଟର୍ମିନାଲକୁ ଆସନ୍ତା ୧୬ ତାରିଖରେ ଉଦ୍‌ଘାଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଉଦଘାଟନ ପୂର୍ବରୁ ଅଡୁଆ ସୂତାରେ ଛନ୍ଦି ହୋଇଯାଇଛି ଏହି ନବନିର୍ମିତ ଅତ୍ୟାଧୁନିକ ଟର୍ମିନାଲ। ଜୋର ଧରିଛି ବିରୋଧର ସ୍ୱର । ରାସ୍ତାକୁ ଓହ୍ଲାଇଛନ୍ତି ବିଭିନ୍ନ ସଂଗଠନ ଓ ସ୍ଥାନୀୟ ବାସିନ୍ଦା। ଦାବି ହେଉଛି, ବସ୍ ଟର୍ମିନାଲର ବିଭିନ୍ନ ବିଭାଗରେ ସ୍ଥାନୀୟ ଯୁବକ-ଯୁବତୀଙ୍କୁ ନିଯୁକ୍ତି ଦିଅ ।

ସିଡିଏ ପକ୍ଷରୁ ଦିଲ୍ଲୀର ଏକ ଠିକା ସଂସ୍ଥା ଭାରତ ବିକାଶ ଗ୍ରୁପକୁ ନିଯୁକ୍ତି ଦାୟିତ୍ୱ ଦିଆଯାଇଛି। ଏହି ସଂସ୍ଥା ଟର୍ମିନାଲର ଅନେକ ବିଭାଗରେ ନିଯୁକ୍ତ ଦେଇ ସାରିଲାଣି। କିନ୍ତୁ ନିଯୁକ୍ତିରେ ସ୍ଥାନୀୟ ଲୋକଙ୍କୁ ଅଣଦେଖା କରାଯାଉଥିବା ଅଭିଯୋଗ ହୋଇଛି।