ରାଜସ୍ଥାନରେ ଦୁର୍ଘଟଣାଗ୍ରସ୍ତ ହେଲା ସେନାର ଫାଇଟର ବିମାନ । ଜନବସତି ଅଂଚଳରେ ମିଗ-୨୧ର ବିମାନ ତଳକୁ ଖସି ପଡିଛି । ଯେଉଁଥିରେ ୩ ଜଣଙ୍କ ଜୀବନ ଯାଇଥିବାର ସୂଚନା ମିଳିଛି । ଜେଟ୍ଟି ସୁରତଗଡରୁ ଉଡାଣ ଭରୁଥିଲା ବେଳେ ଘଙ୍କିଛି ଅଘଟଣ । ହନୁମାନଗଡ଼ ପାଖରେ ଏକ ଜନ ବସତି ଅଂଚଳର ଏକ ଘର ଉପରେ ଖସିପଡିଥିଲା । ପାଇଲଟ ସୁରକ୍ଷିତ ଥିବାର ସୂଚନା ଦେଇଛି ଭାରତୀୟ ବାୟୁସେନା । ମିଗ-୨୧ର ବିମାନ ଯେତେବେଳେ ତଳକୁ ଖସୁଥିଲା, ପାଇଲଟ ଦ୍ୱୟ ପାରାସୁ୍ୟଟ ମାଧ୍ୟମରେ ନିଜ ଜୀବନ ବଂଚାଇବାରେ ସକ୍ଷମ ହୋଇଥିଲେ । ଘଟଣାସ୍ଥଳର କିଛି ଦୂରରେ ସେମାନେ ପଡିଯାଇଥିଲା ଏବଂ ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରିଥିଲେ । ସ୍ଥାନୀୟ ପ୍ରଶାସନ ପକ୍ଷରୁ ଯାହା ସୂଚନା ଦିଆଯାଇଛି ଯେ, ଏହି ଅଘଟଣରେ ୩ ଜଣଙ୍କ ମୃତୁ୍ୟ ହୋଇଥିବା ବେଳେ, ଦୁର୍ଘଟଣାର କାରଣ ଏଯାଏଁ ମଧ୍ୟ ସ୍ପଷ୍ଟ ହୋଇପାରିନି । ତେବେ କିଛି ଯାନ୍ତ୍ରିକ ତ୍ରୁଟି କିମ୍ବା ପାଗ ଜନିତ କିଛି ସମସ୍ୟା ଉପୁଜି ଥିବାରୁ ଏପରି ଅଘଟଣ ଘଟିଥିବାର କୁହାଯାଉଛି । ତେବେ ଅନ୍ୟ ପକ୍ଷେ ଏହି ମିଗ୍-୨୧ ଫାଇଟର ଜେଟ ନିଜର ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ଥ ହୋଇଥିବା ସ୍ଥାନୀୟ ଲୋକେ ମତ ବାଢିଛନ୍ତି । ଅନ୍ୟପକ୍ଷେ ପାଇଲଟଙ୍କ ୟୁନିଫର୍ମରୁ ଯାହା ଅନୁମାନ କରାଯାଉଛି ଯେ, ସେମାନେ କୌଣସି ଫାଇଟର ପାଇଲଟ ନୁହଁନ୍ତି । କାରଣ ସେମାନେ ନାରଙ୍ଗୀ ରଙ୍ଗର ପୋଷାକ ପରିଧାନ କରିଛନ୍ତି । ଯାହା ସାଧାରଣତଃ ଏରୋବେଟିକ ଟିମର ପାଇଲଟମାନେ ପିନ୍ଧିଥାନ୍ତି । ଯାହା କେବଳ ଦେଶ ନୁହେଁ ବରଂ ବିଦେଶର ମଧ୍ୟ ଭାରତୀୟ ସେନାର ବିଭିନ୍ନ କାର୍ଯ୍ୟ କରିଥାନ୍ତି । ତେବେ ଆଜିକାଲି ସେନାର ଦୁର୍ଘଟଣାର ଅନେକ ଖବର ସାମ୍ନାକୁ ଆସୁଛି । ପୂର୍ବରୁ ମଧ୍ୟ ଏପରି ଅନେକ ଛାତିଥରା ଘଟଣା ଘଟିଛି । ପୂର୍ବତନ ସେନାମୁଖ୍ୟ ଜେନେରାଲ ବିପିନ ରାୱତ ମଧ୍ୟ ଏପରି ଏକ ହେଲିକପ୍ଟର ଦୁର୍ଘଟଣାର ଶୀକାର ହୋଇଥିଲେ । ଏହା ସହ ଜାମ୍ମୁ କାଶ୍ମୀରର କିସ୍ତିୱାର ନିକଟରେ ମଧ୍ୟ ଏପରି ଏକ ଅଘଟଣ ଘଟିଥିଲା । ବିଭିନ୍ନ ସମୟରେ ଖରାପ ପାଗ ମଧ୍ୟ ଏହାର ଏକ କାରଣ ପାଲଟୁଛି । କିନ୍ତୁ ବର୍ତମାନର ଏହି ମିଗ-୨୧ ବିମାନ ଦୁର୍ଘଟଣା ର ପ୍ରକୃତ କାରଣ ଏପର୍ଯ୍ୟନ୍ତ ମଧ୍ୟ ସ୍ପଷ୍ଟ ହୋଇପାରିନାହିଁ । ତେବେ ବାୟୁସେନା କର୍ତୁପକ୍ଷଙ୍କ ପକ୍ଷରୁ କୌଣସି ସ୍ପଷ୍ଟୀକରଣ ଜାରି କରାଗଲେ ହିଁ ପୂରା ଖବର ଜଣା ପଡିବ ।
You May Also Like
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
ସାପର ଧମକ୍,ଦଂଶନ କରିବି
July 13, 2024
More From Author
ବନ୍ଦ୍ ହୋଇଯିବ ଇଣ୍ଟରନେଟ!
July 13, 2023
ବିଜେପି ଜାତୀୟ କାର୍ଯ୍ୟକାରୀ କମିଟିରେ ସମୀର
July 13, 2023
ସଂରକ୍ଷିତ ଜଙ୍ଗଲରୁ ବାରହା ମାଂସ ଜବତ, ୨ଗିରଫ
July 12, 2023
+ There are no comments
Add yours