ମହିଳା ଟି-୨୦ ବିଶ୍ୱକପ ଫାଇନାଲ : ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ମଧ୍ୟରେ ଟକ୍କର

ଶବ୍ଦମିଡ଼ିଆ ବ୍ୟୁରୋ: ମହିଳା ଟି-୨୦ ବିଶ୍ୱକପର ଫାଇନାଲ ଆଜି ଖେଳାଯିୱ । ଗତଥର ବିଜେତା ଅଷ୍ଟ୍ରେଲିଆ ଏବଂ ଆୟୋଜକ ଦକ୍ଷିଣ ଆଫ୍ରିକା ମଧ୍ୟରେ ଫାଇନାଲ ମୁକାବିଲା ଖେଳାଯିବ । ଯଦି ଦକ୍ଷିଣ ଆଫ୍ରିକା ଜିତେ ତାହାଲେ ଆୟୋଜକ ଭାବେ ବିଶ୍ବ କପ୍‌ ହାସଲ କରିବାରେ ଇଂଲଣ୍ଡ ଏବଂ ଅଷ୍ଟ୍ରେଲିଆ ପରେ ତୃତୀୟ ଦଳ ହୋଇଯିବ । ନଚେତ୍‌ ଅଷ୍ଟ୍ରେଲିଆ ମହିଳା ଦଳ ବିଶ୍ବ ବିଜେତା ବୋଲି ପୁଣି ଥରେ ପ୍ରମାଣିତ ହୋଇଯିବ । ଏଥର ଫାଇନାଲିଷ୍ଟଙ୍କୁ ଦେଖିଲେ ଆଉ ଏକ ଉଲ୍ଲେଖନୀୟ ଘଟଣା ହେଲା ଗୋଟିଏ ଗ୍ରୁପ୍‌ର ଦୁଇ ଦଳ ଟ୍ରଫି ପାଇଁ ଲଢ଼ିବେ। ଉଭୟ ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଗ୍ରୁପ୍‌-୧ରେ ସ୍ଥାନ ପାଇଥିଲା ବେଳେ ଦୁହେଁ ମଧ୍ୟ ଫାଇନାଲ୍‌ ଲଢ଼େଇରେ ଅବତୀର୍ଣ୍ଣ ହୋଇଛନ୍ତି ।

ସମ୍ଭାବ୍ୟ ଅଷ୍ଟ୍ରେଲିଆ ୧୧ : ଆଲିସା ହିଲେ (ୱିକେଟ୍‌ରକ୍ଷକ), ବେଥ୍‌ ମୁନି, ମେଗ୍‌ ଲାନିଂ (ଅଧିନାୟିକା), ଆସ୍‌ଲେ ଗାର୍ଡନର, ଗ୍ରେସ୍‌ ହାରିସ, ଏଲିସେ ପେରି, ତାହିଲା ମ୍ୟାକ୍‌ଗ୍ରା, ଜର୍ଜିଆ ୱେରହାମ୍‌, ଜେସ୍‌ ଜୋନାସେନ, ମେଗାନ ଶ୍ଚୁଟ୍‌‌, ଦାର୍ସି ବ୍ରାଉନ।

ସମ୍ଭାବ୍ୟ ଦକ୍ଷିଣ ଆଫ୍ରିକା ୧୧ : ଲୌରା ଉଲ୍‌ଭର୍ଟ, ତମିନ ବ୍ରିଟ୍‌ସ, ମାରିଜାନେ କାପ୍‌, କ୍ଲୋଏ ଟ୍ରାୟନ, ନାଦିନେ ଡି କ୍ଲେର୍କ, ସୁନେ ଲୁସ୍‌ (ଅଧିନାୟିକା), ଆନେକେ ବୋଶ୍ଚ, ସିନୋଲା ଜାଫ୍‌ତା (ୱିକେଟ୍‌ରକ୍ଷକ), ସବ୍‌ନିମ ଇସ୍‌ମାଇଲ, ଆୟାବୋଙ୍ଗା ଖାକା‌, ନଙ୍କୁଲୁଲେକୋ ଏମ୍‌ଲାବା।