ହକି ବିଶ୍ୱକପ ଫାଇନାଲ : ଡିଫେଣ୍ଡିଂ ଚାମ୍ପିୟନ ବେଲଜିୟମକୁ ଭେଟିବ ଜର୍ମାନୀ

ଶବ୍ଦ ଓଡିଶା ବ୍ୟୁରୋ: କଳିଙ୍ଗ ଷ୍ଟାଡିୟମରେ ଆଜି ଅନୁଷ୍ଠିତ ହେବ ହକି ବିଶ୍ୱକପ ଫାଇନାଲ । ଫାଇନାଲ ମ୍ୟାଚରେ ଗତଥରର ଚାମ୍ପିୟନ ବେଲଜିୟମକୁ ଭେଟିବ ଜର୍ମାନୀ । ସନ୍ଧ୍ୟା ୭ଟାରେ ଖେଳାଯିବାକୁୁ ଥିବା ଫାଇନାଲରେ ଦୁଇ ୟୁରୋପୀୟ ଦେଶଙ୍କ ମଧ୍ୟରେ ଲଢେଇ ହେବ । ଏହା ପୂର୍ବରୁ କାଂସ୍ୟ ପଦକ ପାଇଁ ସେମିଫାଇନାଲରେ ହାରିଥିବା ଅଷ୍ଟ୍ରେଲିଆ ଏବଂ ନେଦରଲାଣ୍ଡସ୍ ମଧ୍ୟରେ ଅପରାହ୍ଣ ସାଢେ ୪ଟାରେ ମ୍ୟାଚ ଖେଳାଯିବ ।

୨୦୧୮ ବିଶ୍ୱକପରେ ନେଦରଲାଣ୍ଡସକୁ ହରାଇ ପଥମ ଥର ପାଇଁ ଚାମ୍ପିୟନ ହୋଇଥିଲା ବେଲଜିୟମ । ଏହା ପରେ ବେଲଜିୟମ ଅଲମ୍ପିକରେ ମଧ୍ୟ ସ୍ୱର୍ଣ୍ଣ ପଦକ ହାସଲ କରିଥିଲା । ଯଦି ଆଜି ଫାଇନାଲ ମ୍ୟାଚ ବେଲଜିୟମ ଜିତେ ତେବେ ବିଶ୍ୱର ଚତୁର୍ଥ ଦଳ ଭାବେ ଲଗାତାର ଟ୍ରଫି ଜିତିବାର ରେକର୍ଡ ବେଲଜିୟମ ନାଁରେ ରହିବ । ଅଢେଇ ସପ୍ତାହ ଧରି ଚାଲିଥିବା ହିକି ମହାକୁମ୍ଭ ଆଜି ଶେଷ ହୋଇଯିବ ।