ଜାଣନ୍ତୁ କେମିତି କରିବେ ଆଇଟିଆର ରିଫଣ୍ଡର ଅନଲାଇନ ଯାଞ୍ଚ ପ୍ରକ୍ରିୟା

୨୦୨୨-୨୩ ମୂଲ୍ୟାଙ୍କନ ବର୍ଷ ପାଇଁ ଆୟକର ରିଟର୍ଣ୍ଣ (ଆଇଟିଆର) ଦାଖଲ କରିବାର ଶେଷ ତାରିଖ ଶେଷ ହୋଇସାରିଛି। ଏହି ତାରିଖ ପର୍ଯ୍ୟନ୍ତ ଆଇଟିଆର ଦାଖଲ କରିଥିବା ଟିକସଦାତା ଫେରସ୍ତକୁ ଅପେକ୍ଷା କରିଛନ୍ତି। ଆୟକର ବିଭାଗ ଆଇଟିଆର ଦାଖଲ କରିବାର ୧୦ ଦିନ ପରେ ଫେରସ୍ତର ସ୍ଥିତି ଯାଞ୍ଚ କରିବାକୁ ସୁବିଧା ପ୍ରଦାନ କରିଥାଏ। ଏପରି ପରିସ୍ଥିତିରେ, ଯେଉଁ ଟିକସଦାତାମାନେ ଫେରସ୍ତ ପାଇଁ ଯୋଗ୍ୟ ଅଟନ୍ତି ଏବଂ ସେମାନେ ଆଇଟିଆର ଦାଖଲ କରିବାର ୧୦ ଦିନରୁ ଅଧିକ ସମୟ ଅତିବାହିତ କରିଛନ୍ତି, ସେମାନେ ଅନଲାଇନରେ ସେମାନଙ୍କର ଆଇଟିଆର ଫେରସ୍ତ ସ୍ଥିତି ଯାଞ୍ଚ କରିପାରିବେ।

ତେବେ ଆଇଟିଆର ଫେରସ୍ତର ସ୍ଥିତି ଜାଣିବା ପାଇଁ ଆମେ ଅନଲାଇନ୍ ପ୍ରକ୍ରିୟା ଜାଣିବା ମଧ୍ଯ ନିହାତି ଦରକାର।
ଆଇଟିଆର ଦାଖଲ କରୁଥିବା ଟିକସଦାତାମାନେ ମଧ୍ୟ ପ୍ଯାନ ନମ୍ବର ବ୍ୟବହାର କରି ସେମାନଙ୍କର ଫେରସ୍ତ ସ୍ଥିତି ଯାଞ୍ଚ କରିପାରିବେ। ଏଥିପାଇଁ ଏନଏସଡିଏଲର ୱେବସାଇଟ୍ କୁ ଲଗ୍ଇନ୍ କରିବାକୁ ପଡିବ। ପ୍ରଥମେ https://tin.tin.nsdl. com/oltas/servlet/ Refund Status Track ରେ ଯାଇ ପ୍ଯାନ୍ ନମ୍ବର ଦାଖଲ କରିବାକୁ ହେବ। ପରେ ମୂଲ୍ୟାଙ୍କନ ବର୍ଷ ୨୦୨୨-୨୩ ସିଲେକ୍ଟ କରି ଦାଖଲ ବିକଳ୍ପ ଉପରେ କ୍ଲିକ୍ କରିବାକୁ ପଡିବ। ଏହା ପରେ ଆଇଟିଆର ଫେରସ୍ତର ସ୍ଥିତି ଖୋଲିବ। ଏଥିରେ ଫେରସ୍ତ ଉପରେ ମଧ୍ୟ ସୁଧ ଉପଲବ୍ଧ ରହିଛି।

ଟିକସଦାତା ଯେଉଁମାନେ ନିର୍ଦ୍ଦିଷ୍ଟ ସମୟ ମଧ୍ୟରେ ସେମାନଙ୍କର ଆଇଟିଆର ଫାଇଲ୍ କରନ୍ତି ସେମାନେ ମଧ୍ୟ ଫେରସ୍ତ ଉପରେ ସୁଧ ପାଆନ୍ତି। ଆୟକର ବିଭାଗ ଏହିପରି ଟିକସଦାତାଙ୍କୁ ଫେରସ୍ତ ଉପରେ ମାସକୁ ୦.୫୦% ହାରରେ ସୁଧ ଦେଇଥାଏ। ଧାର୍ଯ୍ୟ ତାରିଖ ପରେ ଆଇଟିଆର ଦାଖଲ କରୁଥିବା ଟିକସଦାତାମାନେ ଫେରସ୍ତ ଉପରେ ସୁଧ ପାଇବାକୁ ଯୋଗ୍ୟ ନୁହଁନ୍ତି। ଯେଉଁ ଟିକସଦାତାମାନେ ୩୧ ଜୁଲାଇ ୨୦୨୨ ସୁଦ୍ଧା ସେମାନଙ୍କର ଯେଉଁ ଦାଖଲ କରିଛନ୍ତି ସେମାନେ ୧ ଏପ୍ରିଲ ୨୦୨୨ ରୁ ଫେରସ୍ତ ତାରିଖ ପର୍ଯ୍ୟନ୍ତ ସୁଧ ପାଇବେ।