ପୂର୍ବତନ ରାଷ୍ଟ୍ରପତିଙ୍କୁ ମୋଦିଙ୍କ ସମ୍ମାନଜନକ ଚିଠି

ଦେଶର ସର୍ବୋଚ୍ଚ ଆସନର ଅଧିକାରିଣୀ ହୋଇଛନ୍ତି ଦ୍ରୌପଦୀ ମୁର୍ମୁ । ଭାରତର ୧୫ତମ ରାଷ୍ଟ୍ରପତି ଭାବେ ଦେଶ ଉତ୍ସବ ପାଳୁଛି। ଅନ୍ୟପକ୍ଷରେ ରାମ ନାଥ କୋବିନ୍ଦ ରାଷ୍ଟ୍ରପତି ପଦରୁ ଅବସର ନେବାର ଗୋଟିଏ ଦିନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ଦିନ ଏକ ଚିଠି ଲେଖିଛନ୍ତି । ଯେଉଁଥିରେ ସେ ପୂର୍ବତନ ରାଷ୍ଟ୍ରପତି ରାମ ନାଥ କୋବିନ୍ଦଙ୍କୁ ଖୁବ ପ୍ରଶଂସା କରିଥିଲେ ।

ରବିବାର ଦିନ ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଲେଖିଥିବା ଚିଠିରେ ପ୍ରଧାନମନ୍ତ୍ରୀ ମୋଦୀ ଲେଖିଛନ୍ତି ଯେ, ଭାରତର ରାଷ୍ଟ୍ରପତି ଭାବରେ ଆପଣ ଏହି କାର୍ଯ୍ୟକାଳ ମଧ୍ୟରେ ସର୍ବୋଚ୍ଚ ନୀତି, ସଚ୍ଚୋଟତା, ସମ୍ବେଦନଶୀଳତା ଏବଂ ସେବାର ଉଚ୍ଚତମ ମାନକ ସ୍ଥାପିତ କରିଛନ୍ତି । ଏହା ସହ ଉତ୍ତରପ୍ରଦେଶର ଏକ ଛୋଟ ଗାଁରୁ ରାଷ୍ଟ୍ରପତି ଭବନ ପର୍ଯ୍ୟନ୍ତ କୋବିନ୍ଦଙ୍କ ଯାତ୍ରା ବିଷୟରେ ପ୍ରଧାନମନ୍ତ୍ରୀ ବର୍ଣ୍ଣନା କରିଛନ୍ତି। ସେ ଆହୁରି ମଧ୍ଯ କହିଛନ୍ତି ଯେ ଆପଣଙ୍କ ରାଷ୍ଟ୍ରପତି କାର୍ଯ୍ୟକାଳ ସମୟରେ ଆପଣଙ୍କର ଅନେକ କାର୍ଯ୍ୟ, ହସ୍ତକ୍ଷେପ ଏବଂ ଭାଷଣରେ ଆପଣ ଦେଶ ତଥା ବିଶ୍ୱର କୋଣ ଅନୁକୋଣରେ ଭାରତର ପ୍ରତିନିଧିତ୍ୱ କରିଛନ୍ତି। ସେ ଗତ ପାଞ୍ଚ ବର୍ଷ ମଧ୍ୟରେ ନିଜ ସମୟ ଏବଂ ପରାମର୍ଶ ସହିତ ସର୍ବଦା ଉଦାର ଥିଲେ । ମୁଁ ଆପଣଙ୍କଠାରୁ ପରାମର୍ଶ ନେବା ଜାରି ରଖିବି । ରାଷ୍ଟ୍ରପତି, ଆପଣଙ୍କ ପ୍ରଧାନମନ୍ତ୍ରୀ ଭାବରେ ଆପଣଙ୍କ ସହ କାମ କରିବା ଏକ ପ୍ରକୃତ ସୌଭାଗ୍ୟ ।

କୋବିନ୍ଦଙ୍କ ଉତ୍ତମ ବୁଝାମଣାକୁ ସମ୍ମାନ ଜଣାଇ ପ୍ରଧାନମନ୍ତ୍ରୀ ଆହୁରି ଲେଖିଛନ୍ତି, ରାମ ନାଥ କୋବିନ୍ଦଙ୍କ ସଫଳତା ଆମ ସମାଜ ପାଇଁ ପ୍ରେରଣା ଏବଂ ଦେଶର ଅଭିବୃଦ୍ଧି ତଥା ବିକାଶ ପାଇଁ ଏକ ଉଦାହରଣ ଅଟେ । ଆପଣଙ୍କର ଜୀବନ ଏବଂ ବୃତ୍ତି ମାଧ୍ୟମରେ, ଆପଣ ନିଷ୍ଠା ଏବଂ ସମ୍ମାନର ସହିତ ବଞ୍ଚିଛନ୍ତି, ନୈତିକତା ଏବଂ ଅଖଣ୍ଡତା ପ୍ରତି ଏକ ଗଭୀର ପ୍ରତିବଦ୍ଧତା ଅଛନ୍ତି ଯାହା ଭାରତୀୟ ନୈତିକତାର ମୂଳ ।