ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ରାଜନୈତିକ ଯାତ୍ରା ଖୁବଶୀଘ୍ର ରାଜ୍ୟ ସଭା ଆଡକୁ ଗତି କରିପାରେ। ମିଳିଥିବା ସୂଚନା ଅନୁଯାୟୀ, ସୋନିଆ ଗାନ୍ଧୀଙ୍କ ଉପସ୍ଥିତିରେ ହୋଇଥିବା ନିଷ୍ପତ୍ତି ଅନୁଯାୟୀ ପ୍ରିୟଙ୍କାଙ୍କୁ ରାଜ୍ୟ ସଭା ପଠାଇବାର ସମସ୍ତ ପ୍ରସ୍ତୁତି ଶେଷ ହୋଇଛି। ଅନ୍ୟପଟେ ସୋନିଆ ଗାନ୍ଧୀ ୨୦୨୪ ନିର୍ବାଚନରେ ଗାନ୍ଧୀ ପରିବାରର ପାରମ୍ପରିକ ରାୟବରେଲି ଲୋକ ସଭା ଆସନରୁ ନିର୍ବାଚନ ଲଢିବେ କି ନା ଏହା ଉପରେ କୌଣସି ନିଷ୍ପତ୍ତି ନିଆଯାଇ ନାହିଁ।ସୋନିଆ ଗାନ୍ଧୀଙ୍କ ସହ ଦଳର ବରିଷ୍ଠ ନେତାଙ୍କ ବୈଠକରେ ପ୍ରିୟଙ୍କା ଗାନ୍ଧୀ ୨୦୨୪ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ, ବରଂ ହିମାଚଳ ପ୍ରଦେଶରୁ ରାଜ୍ୟସଭାକୁ ପଠାଯିବେ ବୋଲି ନିଷ୍ପତ୍ତି ନିଆଯାଇଛି। ଦଳର ନେତାମାନେ କହିଛନ୍ତି ଯେ ଗୋଟିଏ ଆସନରେ ନିର୍ବାଚନ ପ୍ରତିଦ୍ୱନ୍ଦ୍ୱିତା କରିବା ପରିବର୍ତ୍ତେ ପ୍ରିୟଙ୍କା ଗାନ୍ଧୀ ଦଳ ତଥା ୟୁପିଏ ମିଳିତ ମଞ୍ଚ ପାଇଁ ପ୍ରଚାର କରିବା ଉଚିତ। ଦଳର ନେତାମାନେ କହିଛନ୍ତି ଯେ ପ୍ରିୟଙ୍କା କେବଳ ପ୍ରଚାର ପାଇଁ ୟୁପିରେ ସୀମିତ ରହିବା ଉଚିତ ନୁହେଁ ବରଂ ଦେଶର ଅନ୍ୟାନ୍ୟ ସ୍ଥାନକୁ ମଧ୍ୟ ଯିବା ଉଚିତ।