ରାଜସ୍ଥାନରୁ ଆସିଲା ହୃଦୟଥରା ଦୃଶ୍ୟ । ମରୁଭୂମିରେ ପାଣି ନପାଇ ଗଲା ୬ବର୍ଷ ନାତୁଣୀର ଜୀବନ । ମରଣମୁହଁରୁ ଆଈଙ୍କୁ ବଂଚାଇଲେ ସ୍ୱେଚ୍ଛାସେବୀ ଓ ପୋଲିସ । ଏ ଘଟଣା,ଏ ଦୃଶ୍ୟ ଆମ ଦେଶର । ବିଜେପି ଶାସିତ ରାଜସ୍ଥାନର ଦୃଶ୍ୟ । ଅଚ୍ଛେଦିନର ବିକଳ ଦୃଶ୍ୟ । ଏବେ ଯିବା ପୂରା ଘଟଣାକୁ । ରାନିୱାଡା ତହସିଲ ଡୁଙ୍ଗ୍ରି ଗାଁର ବିଦ୍ୟା ସୁଖଦେବୀ ସୁରୋହି ଜିଲ୍ଲାର ମାଣ୍ଡାଣ ନିକଟ ରାୟପୁରର ପେହେରରେ ଥିବା ତାଙ୍କ ସମ୍ପର୍କୀୟଙ୍କ ଘରକୁ ଯାଇଥିଲେ । ସାଥୀରେ ଥିଲେ ୬ବର୍ଷର ନାତୁଣୀ ଅଞ୍ଜଳି । ୬ତାରିଖ ରବିବାର ସୁଖଦେବୀ ନାତୁଣୀ ସହ ନିଜ ଘରକୁ ଫେରୁଥିଲେ । ଚାଲି ଚାଲି ଫେରୁଥିଲେ । ମୁଖ୍ୟରାସ୍ତା ଛାଡି ଆଈନାତୁଣୀ ସଟକଟ୍ ରାସ୍ତା ବାଛି ନେଇଥିଲେ । ୨୨ କିଲୋମିଟ ପରିବର୍ତ୍ତେ ୧୫ କିଲୋମିଟର ରାସ୍ତା ଚାଲିବାକୁ ସେମାନେ ମନରେ ସାହସ ଜୁଟାଇଥିଲେ । କିନ୍ତୁ ସାଥୀରେ ପାଣି ଆଣିବାକୁ ସେମାନେ ଭୁଲିଯାଇଥିଲେ । ପ୍ରଚଣ୍ଡ ଖରାରେ ଆଈନାତୁଣୀ ଚାଲିଲେ ଗନ୍ତବ୍ୟସ୍ଥଳ ଅଭିମୁଖେ । ଦୀର୍ଘ ୯କିଲୋମିଟର ଚାଲିବା ପରେ ପାଣିପାଇ ନଥିଲେ ଆଈନାତୁଣୀ । ନିଚ୍ଛାଟିଆ ରାସ୍ତାରେ ସେମାନେ କାହାର ସାହାଯ୍ୟ ମଧ୍ୟ ପାଇନଥିଲେ । ୪୫ଡିଗ୍ରୀ ଉତ୍ତାପ ଓ ପାଣି ଅଭାବରୁ କଲବଲ ହୋଇ ୬ବର୍ଷର ନାତୁଣୀ ଅଞ୍ଜଳି ପଡିଯାଇଥିଲେ । ପରେ ୬୦ ବର୍ଷର ସୁଖଦେବୀ ମଧ୍ୟ ପଡିଯାଇଥିଲେ । କିଛି ସମୟ ପରେ ଆକାଶ ମେଘୁଆ ହେବା ସହ ସାମାନ୍ୟ ବର୍ଷା ହୋଇଥିଲା । ସେତେବେଳକୁ ନାତୁଣୀ ଅଞ୍ଜଳିଙ୍କ ପ୍ରାଣବାୟୁ ଉଡିଯାଇଥିଲା । ମରୁଭୂମିରେ ଦୁଇଜଣ ପଡିଥିବାର ଦେଖି ମେଣ୍ଢା ଚରାଳିମାନେ କଲୋର ଜିଲ୍ଲାର ରାନିୱାଡା ଥାନାକୁ ଖବର ଦେଇଥିଲେ । ପୋଲିସ ଓ କିଛି ସ୍ୱେଚ୍ଛାସେବୀ ଘଟଣାସ୍ଥଳରେ ପହଞô୍ଚ ସୁଖଦେବୀଙ୍କ ଚେତା ଫେରାଇବା ସହ ପିଇବାକୁ ପାଣି ଦେଇଥିଲେ । ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଶୋଷ ମାରିଦେଲା କୁନି ଝିଅକୁ ।
You May Also Like
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
ସାପର ଧମକ୍,ଦଂଶନ କରିବି
July 13, 2024
More From Author
ଡେଙ୍ଗୁ ଜ୍ୱରକୁ ମହାମାରୀ ଘୋଷଣା
September 3, 2024
ଓଡ଼ିଶା ଆସୁଛି ୪୮ ହଜାର କ୍ଵିଣ୍ଟାଲ ଆଳୁ
August 21, 2024
ରାଜ୍ୟସ୍ତରୀୟ ଦେଶଭକ୍ତିର କାର୍ଯ୍ୟକ୍ରମ – “ମାତୃଭୂମିକୁ ପ୍ରଣାମ ଉତ୍ସବ”
August 15, 2024
+ There are no comments
Add yours